Më 9 nëntor 2010, Komisioni Evropian publikoi Raportin e Progresit të Kosovës për vitin 2010, si dhe raportet për vendet tjera kandidate dhe kandidate të mundshme. Raporti është pjesë e pakos të Zgjerimit 2010, të Komisionit.
Shefi i Zyrës ndërlidhëse të KE-së, Renzo Daviddi, në prezantimin zyrtar inkurajoi qeverinë ta lexojë me kujdes raportin, të krenohet me të arriturat, mirëpo gjithashtu të përgatitet që të adresojë me seriozitet sfidat e identifikuara.
Në të gjeturat e Raportit të Progresit ekzaminohen kriteret politike dhe ekonomike dhe përvijimi i legjislacionit me standardet evropiane.

Qendra Kulturore dhe Informative e BE-së hapet në Prishtinë

Në Prishtinë më 6 tetor është hapur Qendra Kulturore dhe Informative e BE-së.

Qendra mirëpret qytetarë të cilët dëshirojnë të kenë më shumë njohuri për marrëdhëniet ndërmjet BE-së dhe Kosovës.

Qendra Informative që gjendet në qendër do të ofroj materiale në lidhje me BE-në dhe procesin e integrimit, qasje në internet, qoshe leximi, të gjitha këto pa pagesë.

Qendra gjithashtu do të jetë nikoqire e ngjarjeve informative dhe kulturore.
Zyra ndërlidhëse e KE-së gjithashtu do të hap një pikë informative të BE-së në Mitrovicë veriore.

Përfundon riemërimi i gjyqtarëve dhe prokurorëve dhe projekti KNGJP

Projekti “Komisioni Ndërkombëtar për Gjyqësi dhe Prokurori” (KNGJP), i financuar kryesisht nga BE-ja, ka përfunduar procesin e riemërimit. 227 gjyqtarë dhe prokurorë janë riemëruar pas certifikimit për kompetencë profesionale dhe integritet moral.

Pas një procesi 30 muajsh të verifikimit dhe riemërimit KNGJP-ja i ka dorëzuar Këshillit Gjyqësor të Kosovës përgjegjësinë për përzgjedhjen dhe emërimin e gjyqtarëve dhe prokurorëve.

Është mbyllur kampi i RAE në “Çesmin Lug”

Pas përpjekjeve të përbashkëta të BE-së dhe USAID-it, në tetor është mbyllur kampi “Çesmin Llug” në Mitrovicë veriore. 50 familje rome, ashkalinj dhe egjiptian të cilët kanë jetuar për dhjetë vite në kushte shumë të këqija të kampit të kontaminuar me plumb, tani janë zhvendosur në Mëhallën Rome në Mitrovicë.

Përveç iniciativave për zhvillim ekonomik për përkrahjen e riintegrimit më të qëndrueshëm, pas ekspozimit ndaj kontaminimit me plumb, familjet RAE gjithashtu do të kalojnë nëpër kontrolle dhe trajnim mjekësor.

Projekti i financuar nga BE-ja do të sigurojë zhvendosjen e 90 familjeve tjera të cilat aktualisht jetojnë në kampin Osterode.

BE-ja prinë në rrugën drejt efiçiencës në energji

Zyra ndërlidhëse e KE-së është duke menaxhuar një numër të projekteve që kanë për synim përmirësimin e të kuptuarit ndaj, dhe zbatimit të, energjisë efiçiente në Kosovë.

Rehabilitimi i dy shkollave fillore në Gjakovë me fondet e BE-së ka përfunduar në muajin shtator, dhe kjo i ka bërë ndërtesat me efiçiente sa i përket shfrytëzimit të energjisë.
Në kuadër të projektit për fushatën e vetëdijesimit publik për energji efiçiente, BE-ja para 60 përfaqësuesve të komunitetit të biznesit prezantoi praktikat më të mira se si energjia effiçiente mund të ul kostot.
Komisioni Evropian së shpejti do të jap çmim për gazetarët e Kosovës, për mbulimin më të mirë në media të energjisë effiçiente dhe burimeve të ripërtërishme të energjisë.

KE-ja përkrah transparencën e fondeve të donatorëve në Kosovë

Komisioni Evropian dhe Qeveria e Kosovës kanë lansuar një sistem online që ofron informata në lidhje me projektet e financuara nga donatorët që implementohen në Kosovë.

Platforma për Menaxhimin e Ndihmës (PMN) ka për synim uljën e kostos për mbledhjen e të dhënave, raportimin dhe koordinimin e aktiviteteve të financuara nga donatorët.

PMN-ja, www.amp-mei.net, është hapur për publikun, që mundëson shikimin e aktiviteteve të donatorëve, informatat në lidhje me financimin, tabelën e të dhënave dhe hartat për vizualizim të lehtë të rrjedhës së ndihmës.

BE-ja ofron pajisje të reja për policinë dhe ndihmon aeroportin për kryerjen e ushtrimit të emergjencës

Policia e Kosovës ka inauguruar pajisje të reja të financuara nga BE-ja, për hetimin e krimeve, ndërsa Aeroporti Ndërkombëtar i Prishtinës me ndihmën e një projekti të BE-së ka bërë ushtrimin e rregullt të situatave emergjente.

Policia e Kosovës në muajin tetor ka inauguruar në mënyrë solemne Sistemin e Integruar Informative për Balistikë (SIIB) laboratorit me vlerë 1,2 milion euro të forenzikës.

Në ndërkohë, asistenca e BE-së i ka mundësuar Aeroportit Ndërkombëtar të Prishtinës për të bërë një ushtrim të situatës emergjente, duke simuluar një rrëzim të një aeroplani të udhëtarëve para ngritjes.

BE-ja fillon projektin për përkrahjen e Agjencisë të Kosovës për Produkte Medicinale

Zyra ndërlidhëse e Komisionit Evropian në tetor ka lansuar projektin për përmirësimin e punës të Agjencisë së Kosovës për Produkte Medicinale dhe që kornizën ligjore ta bëj në harmoni me standardet dhe legjislacionin e BE-së.

Projekti në vlerë 1 milion euro synon të përmirësoj strukturën e brendshme, politikat, menaxhimin, operacionet dhe vizionin e AKPM-së.

Konsumatorët do të kenë përfitime të tërthorta nga tregu funksional i produkteve medicinale që në mënyrë të drejtpërdrejtë do të garantojë shërbime dhe produkte medicinale cilësore.

BE-ja sponsoron Festivalin e Xhezit në Prishtinë

Zyra ndërlidhëse e Komisionit Evropian vazhdon përkrahjen edhe për edicionin e 6-të të Festivalit të Xhezit në Prishtinë.

Zyra ndërlidhëse e KE-së përmes projektit “Kulturë për Të gjithë” ka përkrahur koncertin e grupit muzikor grek “Crazy People's Band”, të mbajtur më 4 nëntor. Zyra ndërlidhëse e KE-së ka përkrahur edhe edicionin e kaluar të Festivalit të Xhezit në Prishtinë.

Ky email është dërguar në emër të Zyrës ndërlidhëse të Komisionit Evropian në Kosovë.
Për ta ndryshuar abonimin tuaj, duke përfshirë abonimet në gjuhë tjera,
vizitoni faqen tonë të internetit.
Nëse dëshironi të ç'regjistroheni nga buletini, klikoni këtu.