Azərbaycanda azad və ədalətli seçkilər üçün vətəndaş iştirakçılığı

Gözlənilən nəticələr / Əldə olunan nəticələr

• Ən azı 24 min seçicidə seçki prosesləri barədə anlayış formalaşmış və maraq yaranmışdır;
• Seçki ilə bağlı bilikləri əks etdirən onlayn portal www.seckiler.az və https://www.facebook.com/electionAz/ Facebook səhifəsi hazırlanmışdır. 30 mindən artıq seçici qeyd edilən iki resurs vasitəsilə yayılmış maarifləndirici materiallar, təlimatlar, xəbərlər, informasiyalar, hesabatlar və təhlillərlə tanış olmaq imkanı əldə etmişdir;
• Seçki ilə bağlı hər biri 1000 nüsxə olmaqla 6 tirajda xəbər bülleteni dərc edilmişdir. Xəbər bülletenləri vasitəsilə ən azı 10 min şəxs lazımi informasiya və rəylərlə tanış ola bilmişdir;     
• 2 radio proqramı hazırlanaraq Asan Radio vasitəsilə yayımlanmışdır. Bu proqram vasitəsilə 150 mindən artıq vətəndaş Azərbaycanın seçki təcrübəsinə dair məsələlər barədə fikirlərlə tanış olmaq imkanı qazanmışdır;   
• 31 seçki dairəsinin 100 seçki məntəqəsində seçici siyahılarının monitorinqi həyata keçirilmişdir;
• Vətəndaşların/seçicilərin maarifləndirilməsi ilə bağlı 206 seminar keçirilmişdir. Nəticədə, 4265 vətəndaşda prezident seçkisi barədə anlayış formalaşmış və maraq yaranmışdır;
• Gənc seçicilər arasında “Mən və Seçkilər” mövzusunda onlayn esse (inşa) müsabiqəsi keçirilmişdir;
• Vətəndaş cəmiyyəti təşkilatlarının seçki məsələləri ilə bağlı güclü və zəif cəhətləri tədqiqat vasitəsilə üzə çıxarılmışdır;
• Siyasət və hüquqi məsələlərlə bağlı 35, praktiki məsələlərlə bağlı 100-dən artıq tövsiyə hazırlanmışdır;