Ош шаарында ЕБнын 2026-жылдагы кинофестивалынын ачылышында көрүүчүлөр залы толду
Коноктор үчүн уюштурулган кабыл алуудан жана фотозонага баргандан кийин фестиваль Латвия, Франция жана Бельгиянын биргелешкен өндүрүшү болгон, эл аралык деңгээлде жогору бааланган «Агым» («Flow») анимациялык укмуштуу окуялар тасмасын көрсөтүү менен расмий ачылды. Тасма көрсөтүлгөндөн кийин көрүүчүлөр менен кызуу суроо-жооп сессиясы жана бейформал баарлашуу өткөрүлдү.
© European Union, 2026
Үч күнгө созулган фестиваль Кыргыз Республикасындагы Европа биримдигинин Өкүлчүлүгү тарабынан Ош шаарынын мэриясы жана Ош мамлекеттик университети менен биргеликте уюштурулду. Бардыгы үчүн акысыз болгон иш-чара шаар тургундарына, студенттерге жана окутуучуларга европалык жана кыргыз кинематографиясынын ар түрдүүлүгү менен таанышууга мүмкүнчүлүк түзүп, ачык маданий диалог үчүн аянтча болууну көздөйт.
© European Union, 2026
Фестивалдын алдыдагы көрсөтүүлөрүнүн арасында француздардын «Ливандын асманы» драмасы, Германиянын «Жүрөк ыргагында» аттуу музыкалык-бий драмасы, Венгриянын «Семмельвейс» тарыхый драмасы, ошондой эле Европа биримдигинин колдоосу менен «Тамчы Тасма» фонду тарткан кыргызстандык «Көчмөн оюндары» кыска метраждуу тасмасынын атайын көрсөтүүсү бар.