OpEd by High Representative/Vice-President Josep Borrell: Russia must stop using food as a weapon/ຣັດເຊຍຕ້ອງຢຸດການໃຊ້ອາຫານເປັນອາວຸດ
Russia must stop using food as a weapon
By Josep Borrell Fontelles, High Representative of the Union for Foreign Affairs and Security Policy and Vice-President of the European Commission
On 17 July, nearly one year after it was signed in Istanbul, Russia decided to not renew the Black Sea Grain Initiative (BSGI) that allows Ukraine to export agricultural goods to global markets. As underlined by the Secretary General of the UN, this initiative has been ‘a beacon of hope in a world that desperately needs it’.
Before Russia’s war of aggression against Ukraine, a critical global food supplier, a fifth of the world’s barley came from Ukraine, as well as a sixth of the maize and an eighth of wheat. After Russia invaded Ukraine, attacking grain fields and silos and blocking Ukrainian ports, global food prices spiked to record levels and endangered much needed food supply for many importer countries. The BSGI aimed to re-establish a vital route for agricultural exports from Ukraine and to lower global food prices.
Despite many challenges, it achieved its key purpose. Since August 2022, the export of almost 33 million tonnes of grains and food from Ukraine to 45 different countries played an instrumental role in reducing global food prices by some 25% since the record high reached shortly after Russia’s attack. As public trade data shows, over half of the grain, including two thirds of the wheat, went to developing countries.
In addition, the BSGI ensured continued access to grain for the World Food Programme (WFP). In 2023, Ukraine supplied 80% of the wheat procured to support humanitarian operations in the most food insecure countries like Afghanistan, Djibouti, Ethiopia, Kenya, Somalia, Sudan and Yemen. Without the Black Sea route, the WFP has to get its grain elsewhere at higher prices and with a longer lead-time at a time when the world is facing an unprecedented food crisis.
Russia’s decision was taken despite the UN Secretary General’s renewed proposals to work to address its concerns. In order to shift blame, Russia claims that its own agricultural exports were not sufficiently facilitated. This is not borne out by publicly available trade data, which shows that Russia’s agricultural exports are thriving. Russia gained also important benefits from the Memorandum of Understanding with the UN on fertiliser exports, which had been brokered in parallel to the BSGI. The UN has worked relentlessly to clarify regulatory frameworks and engage with the private sector to find dedicated solutions across banking and insurance sectors. These efforts have been conducted in close collaboration with the EU and its partners.
Contrary to the lies spread by Russia, the EU has indeed ensured that our sanctions have no impact on global food security. There are no sanctions on Russian export of food and fertiliser to third countries and the EU has provided extensive guidance to economic operators, clarifying that these transfers to third countries are permitted. We have also worked with the UN to allow related payments.
Despite these well-known and verifiable facts, Russia decided to pull out of the BSGI, using food as a weapon and endangering the global food supply. Hours after withdrawing from the initiative, Russia started also to destroy Ukraine’s grain storage facilities and port infrastructure with daily targeted attacks, not only in the Black Sea itself but also in the Danube area. As an immediate reaction, wholesale wheat and maize prices saw their biggest increase since the start of Russia’s war of aggression. The increased food price volatility is likely to persist as long as Russia puts global food supply under deliberate stress, aggravating the global cost-of-living crisis and most acutely for food-insecure people in import-dependent countries. This is unacceptable and should be resolutely condemned.
As the world deals with disrupted supplies and higher prices, Russia is now approaching vulnerable countries, notably in Africa, with bilateral offers of limited grain shipments, pretending to solve a problem it created itself. This is a cynical policy of deliberately using food as a weapon.
In response to Russia's irresponsible actions, the EU is active along three main lines. First, we will continue to support the tireless efforts of the United Nations and Türkiye to resume the Black Sea Grain Initiative. Second, we continue to strengthen our “Solidarity Lanes” as alternative routes for Ukrainian agricultural exports to reach global markets through the EU. These lanes have allowed the export of more than 41 million tonnes of Ukraine’s agricultural goods so far, and we are increasing this as much as possible to mitigate the consequences of Russia’s termination of the BSGI. Third, we increased our financial support to countries and people most in need, providing €18 billion to address food security until 2024.
We call on the international community and all countries to step up their own assistance in support of global food security. We ask all our partners to urge Russia to return to negotiations as the African Union already did, as well as to refrain from targeting Ukraine’s agricultural infrastructure. With a clear and unified voice, we can get Russia to resume its participation to the BSGI. The world has a shared interest in responsible stewardship of global food security. We owe it to the people most in need.
ຣັດເຊຍຕ້ອງຢຸດການໃຊ້ອາຫານເປັນອາວຸດ
ໂດຍທ່ານ Josep Borrell Fontelles, ຜູ້ຕາງໜ້າລະດັບສູງຂອງສະຫະພາບ ເອີຣົບດ້ານການຕ່າງປະເທດ ແລະ ນະໂຍບາຍຄວາມໝັ້ນຄົງ, ຮອງປະທານຄະນະກໍາມະການເອີຣົບ.
ໃນວັນທີ 17 ກໍລະກົດ, ນັບເປັນໄລຍະເວລາເກືອບໜຶ່ງປີ ຫຼັງຈາກທີ່ໄດ້ລົງນາມຢູ່ ອິສຕັນບູ, ຣັດເຊຍ ໄດ້ຕັດສິນໃຈທີ່ຈະບໍ່ຕໍ່ອາຍຸໃຫ້ແກ່ ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ (BSGI) ທີ່ເຮັດໃຫ້ ຢູເຄຣນ ສາມາດສົ່ງອອກສິນຄ້າປະເພດກະສິກໍາໄປສູ່ຕະຫຼາດໂລກໄດ້. ດັ່ງທີ່ທ່ານເລຂາທິການໃຫຍ່ອົງການສະຫະປະຊາຊາດໄດ້ເນັ້ນຢ້ຳໄວ້ວ່າ ແຜນງານລິເລີ່ມດັ່ງກ່າວໄດ້ເປັນ “ແສງແຫ່ງຄວາມຫວັງ ພາຍໃນໂລກທີ່ຈຳເປັນຕ້ອງມີມັນຢູ່”.
ກ່ອນທີ່ຈະເກີດສົງຄາມທີ່ ຣັດເຊຍ ໄດ້ເລີ່ມທີ່ຢູເຄຣນ, ເປັນແຫຼ່ງສະໜອງສະບຽງອາຫານໂລກທີ່ສໍາຄັນ, ເຂົ້າບາເລຈຳນວນ 1 ໃນ 5 ຂອງໂລກແມ່ນມາຈາກຢູເຄຣນ, ພ້ອມນັ້ນຢູເຄຣນກໍຍັງເປັນຜູ້ສົ່ງອອກສາລີ 1 ໃນ 6 ແລະ ເຂົ້າສາລີ 1 ໃນ 8 ຂອງປະລິມານການຜະລິດໃນທົ່ວໂລກ. ຫຼັງຈາກທີ່ຣັດເຊຍບຸກໂຈມຕີຢູເຄຣນ, ພື້ນທີ່ປູກຝັງ ຖືກທຳລາຍແລະ ປິດກັ້ນຊ່ອງທາງການຂົນສົ່ງ, ລາຄາອາຫານທົ່ວໂລກກໍໄດ້ເພີ່ມຂຶ້ນຢ່າງໄວວາເປັນປະກົດການ ແລະ ສ້າງຜົນກະທົບມະຫາສານໃຫ້ແກ່ການສະໜອງອາຫານທີ່ຈໍາເປັນສຳລັບບັນດາປະເທດທີ່ອີງໃສ່ການນຳເຂົ້າ. ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ ໄດ້ມີເປົ້າ
ໝາຍແນໃສ່ກໍ່ສ້າງເສັ້ນທາງທີ່ເປັນຫົວໃຈສໍາຄັນສໍາລັບການສົ່ງອອກສິນຄ້າກະສິກໍາຂອງຢູເຄຣນຂຶ້ນມາ ໃໝ່ ແລະ ຫຼຸດຜ່ອນລາຄາຂອງອາຫານໃນທົ່ວໂລກລົງ.
ເຖິງແມ່ນວ່າຈະມີສິ່ງທ້າທາຍເກີດຂຶ້ນຢ່າງຫຼວງຫຼາຍກໍ່ຕາມ, ແຜນງານດັ່ງກ່າວກໍສາມາດບັນລຸຈຸດປະສົງຕົ້ນຕໍຂອງມັນໄດ້. ນັບຕັ້ງແຕ່ເດືອນສິງຫາປີ 2022, ການສົ່ງອອກທັນຍະພືດ ແລະ ອາຫານເກືອບ 33 ລ້ານໂຕນຈາກຢູເຄຣນໃຫ້ແກ່ 45 ປະເທດ ມີບົດບາດສຳຄັນໃນການຫຼຸດຜ່ອນລາຄາອາຫານໂລກລົງເຖິງ 25% ເມື່ອທຽບໃສ່ລາຄາອາຫານທີ່ສູງເປັນປະກົດການໃນເວລາທີ່ຣັດເຊຍເລີ່ມການໂຈມຕີ. ຂໍ້ມູນການຄ້າສາທາລະນະໄດ້ສະແດງໃຫ້ເຫັນວ່າ ທັນຍະພືດຫຼາຍກວ່າເຄິ່ງໜຶ່ງ ແລະ ເຂົ້າສາລີກວ່າ 2ໃນ 3 ໄດ້ຖືກສົ່ງໄປສູ່ບັນດາປະເທດທີ່ກຳລັງພັດທະນາ.
ນອກຈາກນັ້ນ, ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ ກໍ່ຍັງໄດ້ຮັບປະກັນການເຂົ້າເຖິງທັນຍະພືດຢ່າງຕໍ່ເນື່ອງໃຫ້ແກ່ ໂຄງການອາຫານໂລກ (WFP). ໃນປີ 2023, ຢູເຄຣນ ໄດ້ສະໜອງ 80% ຂອງເຂົ້າສາລີທີ່ຈັດຫາໃຫ້ແກ່ໂຄງການຊ່ວຍເຫຼືອດ້ານມະນຸດສະທຳ ສຳລັບບັນດາປະເທດທີ່ຂາດແຄນອາຫານເຊັ່ນ ອັຟການິສຖານ, ຈິບູຕີ, ເອທິໂອເປຍ, ເຄັນຢາ, ໂຊມາເລຍ, ຊູດານ ແລະ ເຢເມນ. ຖ້າບໍ່ມີເສັ້ນທາງຜ່ານທະເລດໍາແລ້ວ, ໂຄງການອາຫານໂລກ ຈຳຕ້ອງໄດ້ຊອກຫາທັນຍະພືດຈາກບ່ອນອື່ນທີ່ມີລາຄາສູງກວ່າ ແລະ ໃຊ້ເວລາດຳເນີນການທີ່ຍາວນານກວ່າ ພາຍໃຕ້ຊ່ວງເວລາທີ່ໂລກກໍາລັງປະເຊີນກັບວິກິດການອາຫານທີ່ບໍ່ເຄີຍພົບພໍ້ມາກ່ອນນີ້.
ຣັດເຊຍໄດ້ມີການຕັດສິນໃຈ ໂດຍບໍ່ຄຳນຶງເຖິງຄຳສະເໜີຕໍ່ອາຍຸເພື່ອແກ້ໄຂຂໍ້ກັງວົນດັ່ງກ່າວຂອງ ເລຂາທິການໃຫຍ່ອົງການສະຫະປະຊາຊາດ. ເພື່ອທີ່ຈະໂຍນຄວາມຜິດອອກຈາກໂຕ, ຣັດເຊຍອ້າງວ່າ ການສົ່ງອອກສິນຄ້າກະສິກຳຂອງຕົນຍັງບໍ່ໄດ້ຮັບການສະໜັບສະໜູນທີ່ພຽງພໍ. ສິ່ງທີ່ຣັດເຊຍກ່າວ ບໍ່ກົງກັນກັບຂໍ້ມູນການຄ້າສາທາລະນະທີ່ສະແດງໃຫ້ເຫັນວ່າ ການສົ່ງອອກກະສິກຳຂອງຣັດເຊຍພວມເຕີບໂຕຢ່າງແຂງແຮງ. ຣັດເຊຍຍັງໄດ້ຮັບຜົນປະໂຫຍດຢ່າງຫຼວງຫຼາຍຈາກ ບົດບັນທຶກຄວາມເຂົ້າໃຈກັບສະຫະປະຊາຊາດວ່າດ້ວຍການສົ່ງອອກປຸຍ, ທີ່ໄດ້ມີການຄ້າຂາຍຄຽງຄູ່ກັນກັບ ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ. ສະຫະປະຊາຊາດໄດ້ເຮັດວຽກຢ່າງບໍ່ລົດລະ ເພື່ອສ້າງຄວາມກະຈ່າງແຈ້ງໃຫ້ແກ່ຂອບລະບຽບການ ແລະ ການຮ່ວມມືກັບພາກເອກະຊົນ ເພື່ອຊອກຫາວິທີແກ້ໄຂພາຍໃນຂະແໜງການທະນາຄານ ແລະ ຂະແໜງປະກັນໄພ. ບັນດາວຽງງານເຫຼົ່ານີ້ ໄດ້ດຳເນີນໄປໂດຍຜ່ານການຮ່ວມມືຢ່າງໃກ້ຊິດກັບສະຫະພາບເອີຣົບ ແລະ ບັນດາຄູ່ຮ່ວມມື.
ກົງກັນຂ້າມກັບຄຳຕົວະຍົວະທີ່ເຜີຍແຜ່ໂດຍຣັດເຊຍ, ສະຫະພາບເອີຣົບຂໍຮັບປະກັນວ່າ ການຂວ້າມບາດຂອງພວກເຮົາບໍ່ມີຜົນກະທົບຕໍ່ຄວາມໝັ້ນຄົງດ້ານສະບຽງອາຫານຂອງໂລກ. ບໍ່ໄດ້ມີການຂວ້າມບາດຕໍ່ກັບການສົ່ງອອກອາຫານ ແລະ ປຸຍຂອງຣັດເຊຍໄປສູ່ປະເທດທີສາມ, ແລະ ສະຫະພາບເອີຣົບກໍໄດ້ໃຫ້ຄໍາແນະນໍາຢ່າງກວ້າງຂວາງແກ່ບັນດາຜູ້ປະກອບການຕ່າງໆ, ເຊິ່ງເປັນການສ້າງຄວາມຊັດເຈນວ່າ ພວກເຮົາໄດ້ອະນຸຍາດໃຫ້ມີການສົ່ງອອກໄປສູ່ປະເທດທີ 3 ໄດ້. ພວກເຮົາຍັງໄດ້ເຮັດວຽກກັບອົງການສະຫະປະຊາຊາດ ເພື່ອອະນຸຍາດໃຫ້ມີການເບີກຈ່າຍທີ່ກ່ຽວຂ້ອງ.
ໂດຍບໍ່ຄຳນຶງເຖິງຂໍ້ເທັດຈິງທີ່ທຸກຄົນຮັບຮູ້ ແລະ ສາມາດພິສູດໄດ້ເຫຼົ່ານີ້, ຣັດເຊຍໄດ້ຕັດສິນໃຈຖອນໂຕອອກຈາກ ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ, ມີການນໍາໃຊ້ອາຫານເປັນອາວຸດ ແລະ ສ້າງຄວາມເສຍຫາຍຮ້າຍແຮງໃຫ້ແກ່ການສະໜອງອາຫານທົ່ວໂລກ. ສອງສາມຊົ່ວໂມງຫຼັງຈາກທີ່ມີການຖອນໂຕອອກຈາກແຜນງານລິເລີ່ມ, ຣັດເຊຍກໍ່ເລີ່ມທຳລາຍພື້ນຖານໂຄງລ່າງການເກັບມ້ຽນທັນຍະພືດ ແລະ ຊ່ອງທາງໃນການຂົນສົ່ງຂອງຢູເຄຣນດ້ວຍການບຸກໂຈມຕີທຸກມື້, ບໍ່ພຽງແຕ່ຢູ່ເຂດທະເລດຳເທົ່ານັ້ນ ແຕ່ຍັງມີການໂຈມຕີຢູ່ເຂດດານູບນຳອີກ. ຈາກການຕອບສະໜອງທີ່ເກີດຂຶ້ນຢ່າງໄວວາຂອງຕະຫຼາດໂລກ ໄດ້ເຮັດໃຫ້ລາຄາຂາຍຍົກຂອງເຂົ້າສາລີ ແລະ ສາລີ ມີການເພີ່ມຂຶ້ນຢ່າງໃຫຍ່ຫຼວງທີ່ສຸດນັບຕັ້ງແຕ່ສົງຄາມຮຸກຮານຂອງຣັດເຊຍເລີ່ມຕົ້ນມາ. ຄວາມຜັນຜວນຂອງລາຄາອາຫານທີ່ເພີ່ມຂຶ້ນ ມີແນວໂນ້ມທີ່ຈະສືບຕໍ່ຢູ່ ຕາບເທົ່າທີ່ຣັດເຊຍຍັງຄົງມີເຈດຕະນາສ້າງຄວາມກົດດັນໃຫ້ແກ່ການສະໜອງສະບຽງອາຫານທົ່ວໂລກ, ເຮັດໃຫ້ວິກິດການຄ່າຄອງຊີບໃນທົ່ວໂລກຮ້າຍແຮງຂຶ້ນ ແລະ ສົ່ງຜົນກະທົບທີ່ຮ້າຍແຮງທີ່ສຸດຕໍ່ປະຊາຊົນທີ່ຂາດແຄນສະບຽງອາຫານໃນບັນດາປະເທດທີ່ອີງໃສ່ການນໍາເຂົ້າເປັນຫຼັກ. ມັນເປັນສິ່ງທີ່ບໍ່ສາມາດຍອມຮັບໄດ້ ແລະ ຄວນຖືກກ່າວປະນາມຢ່າງແຂງຂັນ.
ໃນຂະນະທີ່ໂລກກຳລັງຮັບມືກັບການສະໜອງສະບຽງອາຫານທີ່ຖືກຢຸດຊະງັກ ແລະ ລາຄາທີ່ສູງຂຶ້ນ, ປັດຈຸບັນລັດເຊຍກໍາລັງເຂົ້າຫາບັນດາປະເທດທີ່ອ່ອນແອ, ໂດຍສະເພາະແມ່ນໃນທະວີບອາຟຣິກາ, ດ້ວຍຂໍ້ສະເໜີໃນການຄ້າຂາຍທັນຍະພືດແບບຈໍາກັດສອງຝ່າຍ, ໂດຍທໍາທ່າວ່າຕົນເອງກຳລັງແກ້ໄຂບັນຫາ ທີ່ຕົນເອງແທ້ໆເປັນຜູ້ສ້າງຂຶ້ນ. ນີ້ແມ່ນນະໂຍບາຍທີ່ຫຍາບຊ້າ ໂດຍເຈດຕະນານໍາໃຊ້ອາຫານເປັນອາວຸດ.
ເພື່ອຕອບສະໜອງກັບການກະທຳທີ່ຂາດຄວາມຮັບຜິດຊອບຂອງຣັດເຊຍ, ສະຫະພາບເອີຣົບ ພວມດຳເນີນການຕາມ 3 ແນວທາງຕົ້ນຕໍ. ທຳອິດ, ພວກເຮົາຈະສືບຕໍ່ໃຫ້ການສະໜັບສະໜູນແກ່ຄວາມມານະພະຍາຍາມທີ່ບໍ່ລົດລະຂອງສະຫະປະຊາຊາດ ແລະ ຕວກກີ ໃນການຟື້ນຟູແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ. ອັນທີສອງ, ພວກເຮົາຈະສືບຕໍ່ເສີມຂະຫຍາຍ “ເສັ້ນທາງແຫ່ງຄວາມເປັນນ້ຳໜຶ່ງໃຈດຽວກັນ” ຂອງພວກເຮົາ ໃຫ້ກາຍເປັນທາງເລືອກໃນການສົ່ງອອກສິນຄ້າກະສິກຳຂອງຢູເຄຣນ ເພື່ອໃຫ້ເຂົາເຈົ້າສາມາດເຂົ້າເຖິງຕະຫຼາດໂລກໄດ້ ໂດຍຜ່ານສະຫະພາບເອີຣົບ. ເສັ້ນທາງເຫຼົ່ານີ້ ເຮັດໃຫ້ຢູເຄຣນສາມາດສົ່ງອອກສິນຄ້າກະສິກໍາໄດ້ຫຼາຍກວ່າ 41 ລ້ານໂຕນ, ແລະ ພວກເຮົາກໍກໍາລັງເຮັດທຸກວິທີທາງເພື່ອເພີ່ມໂຕເລກນີ້ໃຫ້ໄດ້ຫຼາຍເທົ່າທີ່ຈະເປັນໄປໄດ້ ເພື່ອຫຼຸດຜ່ອນຜົນກະທົບຈາກການຖອນໂຕຈາກ ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ ຂອງລັດເຊຍ. ອັນທີສາມ, ພວກເຮົາໄດ້ເພີ່ມການສະໜັບສະໜູນດ້ານການເງິນໃຫ້ແກ່ບັນດາປະເທດ ແລະ ປະຊາຊົນທີ່ມີຄວາມຂາດແຄນ, ໂດຍສະໜອງເງິນ 18 ຕື້ເອີໂຣ ເພື່ອໃຊ້ໃນການແກ້ໄຂບັນຫາຄວາມປອດໄພດ້ານສະບຽງອາຫານຈົນຮອດປີ 2024.
ພວກເຮົາຂໍຮຽກຮ້ອງມາຍັງປະຊາຄົມໂລກ ແລະ ທຸກໆປະເທດເພື່ອເສີມຂະຫຍາຍການຊຸກຍູ້ຊ່ວຍເຫຼືອຂອງຕົນເອງ ໃນການສະໜັບສະໜູນຄວາມໝັ້ນຄົງດ້ານສະບຽງອາຫານຂອງໂລກ. ພວກເຮົາຂໍຮຽກຮ້ອງໃຫ້ບັນດາຄູ່ຮ່ວມມືຂອງພວກເຮົາ ເພື່ອຊ່ວຍກັນຮຽກຮ້ອງຣັດເຊຍໃຫ້ກັບຄືນມາສູ່ໂຕະການເຈລະຈາ ຄືດັ່ງທີ່ສະຫະພາບອາຟຼິກາໄດ້ກັບເຂົ້າມາແລ້ວ, ພ້ອມທັງຫຼຸດຜ່ອນການໂຈມຕີໃສ່ບັນດາພື້ນຖານໂຄງລ່າງກະສິກຳຂອງຢູເຄຣນນຳອີກ. ດ້ວຍສຽງທີ່ຈະແຈ້ງ ແລະ ເປັນເອກະພາບ, ພວກເຮົາຈະສາມາດເຮັດໃຫ້ຣັດເຊຍຍອມກັບມາເຂົ້າຮ່ວມ ແຜນງານລິເລີ່ມໃນການຂົນສົ່ງທັນຍະພືດຂ້າມທະເລດຳ. ທົ່ວໂລກຕ່າງກໍມີຜົນປະໂຫຍດຮ່ວມກັນໃນການຄຸ້ມຄອງຄວາມປອດໄພດ້ານສະບຽງອາຫານຂອງໂລກ. ພວກເຮົາຕ້ອງໄດ້ຮັບຜິດຊອບກັບບັນດາຜູ້ຄົນທີ່ປະສົບກັບຄວາມຂາດແຄນ.