Pas organizimit të dy ekspozitave të frymëzuara nga pandemia vitin e kaluar, të cilat kishin për qëllim të kthejnë mërzinë në krijimtari dhe art si një mënyrë për të "shpëtuar" nga realiteti, rezidenca e BE-së është vendi i shfaqjeve të tjera të veprave të artit.

Ekspozita, e hapur në 10 mars nga ambasadori Dejvid Geer dhe zonja e parë Elizabeta Gjorgjievska, është pjesë e fushatës së delegacionit të BE-së, që promovon qëllimet dhe mundësitë e Marrëveshjes së Gjelbër Evropiane. Marrëveshja e Gjelbër ka të bëjë me jetesën, prodhimin dhe përmbushjen e nevojave tona me kosto minimale për planetin dhe burimet e tij. Bëhet fjalë për trajtimin e pasojave të ndryshimeve klimatike, shpëtimin e biodiversitetit dhe zhvillim të qëndrueshëm.

https://twitter.com/AmbassadorEU/status/1501948392854863880?cxt=HHwWkICqseGG_9cpAAAA

Veprat e artistëve Vana Urosheviq, Zoran Todoviq, Velimir Zhernovski, Maja Kirovska, Nenad Tonkin dhe Ozbek Ajvaz, zgjedhur nga Galeria Akanthus e Shkupit, pasqyrojnë aspekte të ndryshme. Si riciklimi – jo vetëm si një mënyrë për të ruajtur burimet, por edhe për të stimuluar krijimtarinë; ose në varësinë tonë të pa ndarë me natyrën. Dhe fuqinë e saj shëruese.

Këto vepra do të shërbejnë si ushqim për të menduar për debatet që delegacioni i BE-së do të organizojë në muajt e ardhshëm. Me pjesëmarrjen e fëmijëve, studentëve, shoqërisë civile, autoriteteve dhe akademisë, punëtoritë do të ofrojnë një forum për diskutim rreth çështjeve më të rëndësishme që kanë të bëjnë me Marrëveshjen e Gjelbër në Maqedoninë e Veriut – një nga vendet më të cenueshme në Evropë ndaj ndryshimeve klimatike - dhe zgjidhjeve të mundshme.

Ekspozita do të jetë e hapur për publikun deri më 20 maj 2022. Rezervime për vizitën dhe bileta pa pagesë mund të siguroni nëpërmjet faqes në Facebook ‘EU za Kultura’ https://www.facebook.com/euzakultura