«Flow» dünýäsine syýahat: döredijilik, animasiýa we Ýewropa kinosynyň taryhy
17-nji maýda Ýewropa Bileleşiginiň Türkmenistandaky Wekiliýeti, Ukrainanyň Türkmenistandaky Ilçihanasy hem-de Latwiýa Respublikasynyň Özbegistan Respublikasyndaky Ilçihanasy tarapyndan bilelikde guralan iki sany ýörite çärede tomaşaçylara adaty film tomaşasynyň çäginden çykyp, filmiň döredilişiniň aňyrsyndaky döredijilik prosesi bilen has içgin tanyşmak mümkinçiligi döredildi.
Bu syýahat «Arkaç» söwda-dynç alyş merkezindäki «Art Nokady» döredijilik giňişliginde «Flow-a nazar» atly ussatlyk sapagy bilen başlandy. Sapagy filmiň döredijilik toparynyň agzalary Konstantins Wişnewskis we Kristina Rezwiha alyp bardylar. Olar bütindünýä ykrar edilen bu animasiýanyň döredilişiniň çeperçilik hem-de tehniki aýratynlyklary barada gürrüň berdiler.
Gatnaşyjylar «Flow» filminiň sahna arkasyna nazar salyp, onuň dörediliş syrlary bilen tanyşdylar. Olar 3D animasiýa tehnologiýalarynyň ulanylyşy, önümçilik işleriniň aýratynlyklary hem-de kiçi garaşsyz toparyň halkara üstünlige alyp baran döredijilik ýoly barada gymmatly maglumatlary aldylar. Ussatlyk sapagy diňe bir tehniki meseleleriň ara alnyp maslahatlaşylan çäresi bolman, eýsem döredijilik, innowasiýa we animasiýanyň üsti bilen hekaýa beýan etmegiň mümkinçilikleri barada gyzykly pikir alyşma hem boldy.
European Union
Soňra çäre «Arkaç» kinoteatrynda dowam etdi. Bu ýerde tomaşaçylar filmiň ýörite görkezilişine gatnaşdylar. Köp sanly myhman üçin bu diňe bir baýrakly filme tomaşa etmek däl, eýsem onuň aňyrsynda duran döredijilik pikirleri we taýýarlyk işleri bilen filme täzeçe göz bilen garamaga mümkinçilik boldy. Özboluşly çeperçilik dili, emosional çuňlugy we özüne çekiji beýan ediş usuly bilen film tomaşaçylarda ýatdan çykmajak täsir galdyrdy.
Bu iki çäre kinonyň diňe bir tomaşa sungaty bolman, eýsem adamlary birleşdirýän, pikir alyşmak üçin giňişlik döredýän hem-de täze garaýyşlary açýan medeni köpri bolup bilýändigini görkezdi. «Flow» filminiň üsti bilen Aşgabatdaky tomaşaçylar diňe bir häzirki zaman Ýewropa animasiýasy bilen tanyşman, eýsem döredijilik hyýalyny durmuşa geçirmek sungaty bilen hem tanyşdylar.
TÜRKMENISTANDAKY 4-NJI ÝEWROPA KINO FESTIWALY
-
Image
European Union
The masterclass “A Glimpse into Flow” at the Art Nokady creative space.
-
Image
European Union
The winners of the “Tell the Story of Your Cat” contest came to collect their memorable prizes and enjoy an animated film screening.
-
Image
European Union
Our audience had a wonderful time and truly enjoyed the film.
-
Image
European Union
Members of the film’s creative team, Konstantins Visnevskis and Kristina Rezviha, shared insights into the creative process and revealed fascinating behind-the-scenes details about the making of the film.