ÝB-niň Türkmenistandaky wekilýeti söwda ýeňilleşdiriş portalyny durmuşa geçirmek boýunça “Ready4Trade” milli seminaryna gatnaşýar
18-nji iýulda hanym Renata Wrobel, ÝB-niň wekili, Ýewropa Bileleşigi tarapyndan maliýeleşdirilýän we Halkara Söwda Merkezi (ITC) tarapyndan durmuşa geçirilýän “Ready4Trade Merkezi Aziýa” taslamasy tarapyndan gurnalan milli seminarda açylyş dabarasynda çykyş etdi. Bu seminara jemgyýetçilik pudagynyň, halkara guramalarynyň we Türkmenistandaky taslamalaryň wekilleri, şeýle hem Merkezi Aziýadaky ITC-niň hyzmatdaş guramalary gatnaşdy.
“ÝB Merkezi Aziýa ýurtlarynyň strategiki hyzmatdaşlaryndan biridir. Biz, Ýewropa Bileleşiginde, 2020-nji ýylyň iýulynda bu guramada synçy statusyny alansoň, Türkmenistanyň hökümeti bilen netijeli hyzmatdaşlygyň netijelerini görüp, buýsanýarys, soň bolsa Türkmenistanyň ilçisi BSG-a goşulmak üçin resmi ýüz tutdy. BSG girmek prosesi hemmämiz üçin ajaýyp okuw guraly bolup, söwda bilen baglanyşykly özgertmeler üçin, şeýle hem göni daşary ýurt maýa goýumlaryny çekmek üçin çäreleri görmäge mümkinçilik döreder. BSG agza bolanda soň Türkmenistanyň ösüşini has ýokary derejä çykarar. Şeýle-de bolsa, ýene birnäçe ädim bar. Şunuň bilen baglylykda, Söwda ýeňilleşdiriş portalynyň işe girizilmegi, Türkmenistana halkara söwda ülňülerini berjaý etmäge, bäsdeşlige ukyplylygy ýokarlandyrmaga we daşary ýurt maýa goýumlaryny çekmek üçin kepillikleri we aç-açanlygy üpjün etmäge, şeýle hem awtomatlaşdyrmagy çaltlaşdyrmaga kömek eder,” hanym Wrobel.
Maslahatyň esasy maksatlary gatnaşyjylaryň Söwda ýeňilleşdiriş portalynyň mertebesileri barada düşünişini ýokarlandyrmak we durmuşa geçirmek we mundan beýläk-de işlemekde döwlet pudagynyň wekilleriniň gatnaşygyny güýçlendirmek, şeýle hem tassyklamak bilen baglanyşykly meseleleri ara alyp maslahatlaşmakdy.
ITC topary Söwda ýeňilleşdiriş portalyny ösdürmek, platformany doly özbaşdak dolandyrjak toparyň mümkinçiliklerini artdyrmak we ulanylmagyny üpjün etmek maksady bilen Söwda we Daşary ykdysady gatnaşyklar ministrligi we Türkmenistanyň serhet gözegçilik edaralary bilen hyzmatdaşlyk edýär.
“Ready4Trade” Ýewropa Bileleşigi tarapyndan maliýeleşdirilýän we Merkezi Aziýadaky Halkara Söwda Merkezi tarapyndan durmuşa geçirilýän sebitleýin taslama. Onuň maksady sebitara we halkara söwdany ösdürmek arkaly Merkezi Aziýanyň umumy durnukly we öz içine alyjy ykdysady ösüşine goşant goşmak. “Ready4Trade” taslamasyndan peýdalanýanlar hökümetleri, kiçi we orta kärhanalary, hususan-da aýal-gyzlaryň ýolbaşçylygyndaky kärhanalary we telekeçiligi goldaýan guramalary öz içine alýar. Taslama 5 ýurtda işleýär: Gazagystan, Gyrgyzystan, Täjigistan, Türkmenistan we Özbegistan.