2025-nji ýylyň 1-nji iýunynda Ýewropa Bileleşiginiň Türkmenistana wekiliýeti daşky gurşawyň habardarlygyny ýokarlandyrmaga we durnukly tejribäni ösdürmäge gönükdirilen #ForOurPlanet global maksatnamasynyň çäginde Aşgabat şäherinde gyzykly ussatlyk sapagyny geçirdi.

Bu çäre daşky gurşaw barada bilimleri amaly tejribe bilen utgaşdyran döredijilik sessiýasy üçin ýerli zenan meýletinçileri, eko-aktiwistleri, ejiz ýagdaýdaky zenanlary we sungat söýüjilerini bir ýere jemledi. Sapak, jogapkärli sarp etmegiň, aýlaw ykdysadyýetiniň we howanyň üýtgemegine garşy göreşiň ähmiýetini görkezýän “For Our Planet” başlangyjynyň maksatlary bilen gysgaça tanyşdyryş bilen başlandy.

Gatnyşyjylara apsaýkling düşünjesi, ýagny zyňylan materiallaryň täze önüm öndürmek üçin döredijilikli ulanylmagy bilen tanyşdylar we köne jinslary bezeg diwar panellerine öwürdiler. Sapak gündelik hereketleriň galyndylary azaldyp we has durnukly durmuş ýörelgesini ösdürip biljekdigini görkezdi.

Bu başlangyç zenanlaryň durnukly durmuş ýörelgelerini ýaýbaňlandyrmakda goşandyny we olaryň daşky gurşaw meselelerini çözmekde gatnaşygyny hem nygtap geçdi. ÝB-niň wekiliýeti döredijilik we hyzmatdaşlyk arkaly daşky gurşaw we durmuş üýtgeşmelerde zenanlaryň gatnaşygyna ýardam berýän başlangyçlary mundan beýläk hem goldamagy dowam eder.