Ýewropa Bileleşigi rus oppozision syýasatçysy Alekseý Nawalnynyň ölümini nägilelik bilen kabul etdi we bu jenaýatda esasy jogapkärçiligi Prezident Putine we Russiýanyň häkimiýetine degişli diýip hasap edýär. Şu gün Daşary Gatnaşyklar Geňeşinde biz Alekseý Nawalnynyň aýaly Ýuliýa Nawalnaýa, çagalaryna, maşgalasyna, dostlaryna we onuň bilen bilelikde ýurdunyň bähbidi üçin zähmet çeken işdeşleriniň hemmesine çuňňur gynanç bildirdik.

Russiýa garaşsyz we aç-açan halkara derňew edaralaryna bu duýdansyz ölümiň sebäplerini öwrenmäge rugsat bermeli. ÝB hyzmatdaşlarynyň ýakyn hemaýatkärliginde Russiýanyň syýasy ýolbaşçylaryny we häkimiýetlerini jogapkärçilige çekmek we sanksiýalar girizmek arkaly bu edilen hyýanaty jezalandyrmaga ähli tagallalary eder.

Bütin dünýäde adamlar Alekseý Nawalnynyň hatyrasyna hormat goýmak üçin ýygnandylar. Russiýada häkimiýet munuň öňüni almaga synanyşdy we ýüzlerçe adamy tussag etdi. Bu adamlar derrew boşadylmaly.

Jenap Nawalny Russiýa Federasiýasynyň gatnaşýan himiki ýarag konwensiýasy boýunça gadagan edilen nerw agenti Nowiçok bilen öldürmek synanyşygyndan soň batyrgaýlyk bilen Russiýa gaýdyp geldi. Ol dünýäniň beýleki ýerlerinden izolirlemek maksady bilen Sibirdäki berk jeza koloniýasyna geçirildi we  birnäçe syýasy sebäpler bilen azatlykdan mahrum edildi. Maşgalasy onuň bilen duşuşmakdan çäklendirildi. Nawalnynyň aklawçylary häkimiýet tarapyndan yzarlanyldylar we üçüsi 2023-nji ýylyň oktýabr aýyndan bäri kazyýetden öňki tussaglykda saklanylýar.

Ýewropa Bileleşigi Nawalnynyň zäherlenmesini we onuň garşysyna kanuny syýasy we korrupsiýa äheňli alnyp barlan işleri berk ýazgardy we onuň gyssagly we şertsiz boşadylmagyny talap etdi. ÝB Russiýany onuň howpsuzlygyny we saglygyny üpjün etmek üçin birnäçe gezek çagyryş etdi, netijede Moskwa  ýüz tutdy.

Nawalny ömrüniň dowamynda ajaýyp edermenligi, öz ýurduna we raýatlaryna wepalylygyny we tutanýerliligini görkezdi, tutuş Russiýada korrupsiýa garşy işleri alyp bardy. Şonuň üçin Russiýanyň Ukraina garşy dowam edýän bikanun agressiýa söweşi we mart aýynda Russiýada geçiriljek prezident saýlawlaryny göz öňüne tutup, Putin we häkimiýet ondan gorkýardy.

Jenap Nawalnynyň tarpa - taýyn ölümi Russiýada çaltlaşýan we yzygider repressiýalaryň ýene bir alamaty. Ýewropa Bileleşigi Russiýany Ýuriý Dmitriýew, Wladimir Kara-Murza, Ilýa Ýaşin, Alekseý Gorinow, Liliýa Çanişewa, Kseniýa Fadeýewa, Aleksandr Skokilenko we Iwan Safronow ýaly beýleki syýasy tussaglary derrew we şertsiz boşatmaga çagyrýandygyny gaýtalaýar.