Yevropa Ittifoqi ko‘magida O‘zbekiston Mamlakat Platformasining 2-davra suhbati bo‘lib o‘tdi
4 iyul 2024 yil. Toshkent, O‘zbekiston. – Yevropa Ittifoqi ko‘magida bo‘lib o‘tgan O‘zbekiston Mamlakat Platformasining 2-davra suhbati O‘zbekistondagi islohotlar dasturini muhokama qilish va qo‘llab-quvvatlash tadbirlarini muvofiqlashtirish bo‘yicha 80 dan ortiq hukumat hamkorlari va xalqaro institutlarni birlashtirdi. Ishtirokchilar qishloq xo‘jaligi, energetika xavfsizligi, yashil o‘sish va qonun ustuvorligi kabi “O‘zbekiston – 2030” strategiyasining ustuvor yo‘nalishlarini qo‘llab-quvvatlovchi 13 ta tarmoq ishchi guruhi doirasida hamkorlikni davom ettirishga kelishib oldilar.
EU in Uzbekistan
O‘zbekiston Respublika Prezidenti huzuridagi Strategik islohotlar agentligi va O‘zbekiston Iqtisodiyot va moliya vazirligi boshchiligida Yevropa Ittifoqining Kotibiyat yordami bilan Mamlakat Platformasi samarali muvofiqlashtirishni rivojlantirishga qaratilgan. Strategik islohotlar agentligi direktori Bahodir Rahmatov o‘zining kirish so‘zida shunday dedi:
“Mamlakatimizda har bir sohasida rivojlanish bo‘yicha hamkorlar va hukumat o‘rtasidagi konstruktiv hamkorlik Prezidentimiz Shavkat Mirziyoyev Janoblari tomonidan belgilab qo‘yilgan islohotlarning ustuvor maqsadlariga erishishni ta’minlaydi, bu esa barchaga yanada farovon va barqaror kelajakni yaratishni belgilab beradi. Strategik islohotlar agentligi vazirlik va idoralarning rivojlanish bo‘yicha hamkorlar bilan o‘zaro munosabatlarini muvofiqlashtirishda, Prezidentimizning PQ-109-sonli qarori bilan tasdiqlangan “Yo‘l xaritasi”ning muvaffaqiyatli amalga oshirilishini ta’minlashda va umuman, davlat boshqaruvi tizimida samaradorlik va mas’uliyatni oshirishda muhim ahamiyat kasb etadi”.
EU in Uzbekistan
May oyida Jahon bankidan qo‘llab-quvvatlash funktsiyalarini o‘z zimmasiga olgan Yevropa Ittifoqi 2025 yil oxirigacha mamlakat platformasiga yordam beradi. Yevropa Ittifoqining O‘zbekistondagi elchisi Sharlotta Adrian Janobi Oliyalari:
“Yevropa Ittifoqining Mamlakat Platformasiga hamrais bo‘lishi hamda O‘zbekiston hukumati va rivojlanish bo‘yicha hamkorlar o‘rtasida ushbu mexanizmning ochiq muloqotga, shuningdek, hamkorlik va kooperatsiyalashuv maydoniga aylantirish sharafiga erishdi. Bizning umumiy maqsadimiz – O‘zbekistonni islohotlar yo‘lida qo‘llab-quvvatlashdan iboratdir. Platforma - bu birgalikda sa’y harakatlarni birlashtirish, birgalikda yondashish, farovonlik, barqaror rivojlanish va hech kimni ortda qoldirmaslik imkoniyatidir”,- deb ta’kidladi.
Uchrashuv yakunida hukumat va rivojlanish bo‘yicha hamkorlar O‘zbekiston xalqi manfaati yo‘lida o‘z vaqtida islohotlarni ilgari surish maqsadida Kotibiyatga ish rejalarini taqdim etish, muntazam ravishda qo‘llab-quvvatlash va axborot almashinuvini ta’minlashga kelishib oldilar.