Yevropa Ittifoqi O‘zbekiston eksportchilarini Xalqaro savdo markazi tomonidan ishlangan kurslari orqai qo‘llab quvvatlaydi
Toshkent, 2022 yil 22 sentabr - O‘zbekistonda korxona rahbarlari uchun transchegaraviy savdoni boshqarish bo‘yicha yangi o‘quv dasturi ishga tushirildi. Ular xalqaro savdo qoidalaridan tortib eksport tartib-qoidalari, tranzit yo‘llari, sifat va muvofiqlik standartlari, shuningdek, Yevropa Ittifoqi bozorining o‘ziga xos talablariga qadar o‘z malakalarini oshirish uchun bepul kurslarga yozilishlari mumkin.
Amaldagi va potentsial eksport qiluvchilar uchun uning doirasida yaqin oylarda qo'shimcha kurslar taklif etilishi kutilayotgan o'quv dasturi, Toshkent davlat iqtisodiyot universiteti tomonidan ham onlayn, ham oflayn shakllarda amalga oshiriladi. Trening dasturini Jahon Savdo Tashkiloti va Birlashgan Millatlar Tashkilotining qo'shma agentligi bo'lgan Xalqaro savdo markazi (XSM) ishlab chiqqan.
Mazkur tashabbus XSM amalga oshirgan va Yevropa Ittifoqi tomonidan moliyalashtiriladigan Ready4Trade loyihasining bir qismidir. Treninglar dasturi O'zbekiston va Markaziy Osiyoning boshqa mamlakatlarida eksportchilarning o'ziga xos muammolariga qaratilgan.
Elbek Xo‘jayev, O‘zbekistondagi Yevropa Ittifoqi Delegatsiyasi dastrurlari menejeri:
“Transchegaraviy savdo bo'yicha o'quv dasturi kuchli biznes muhiti taqdim eta oladigan imkoniyatlar va shart-sharoitlarni yaratish hamda sof foyda olishga oid bilim va xabardorlikni oshirishga qaratilgan. Bilim va tajribaning bunady uzatilishi tadbirkorlarning, ayniqsa, O'zbekistonlik ayol eksportchilarning hayotini o'zgartirib yuborishiga ishonamiz.”
XSM savdo yo‘llarini qayta shakllantirish va davom etayotgan global o‘zgarishlardan kelib chiqadigan dolzarb istiqbollarni qo‘llab-quvvatlash uchun samarali va yo‘naltirilgan ta’limni yaratish uchun Toshkent Davlat Iqtisodiyot Universiteti bilan yaqindan hamkorlik qilmoqda.
Qo‘ng‘rotboy Sharipov, Toshkent Davlat Iqtisodiyot Universiteti (TDIU) rektori, professor:
“Toshkent davlat iqtisodiyot universiteti Ready4Trade Central Asia loyihasining o'quv kurslari metodikasidagi novatorlikni yuqori baholadi. O'quv dasturi kichik biznes va xususiy tadbirkorlik sub'ektlariga amaliy mashg'ulotlar va hayotiy misollar orqali o'z mahsulotlarini mintaqaviy va xalqaro miqyosda eksport qilishga yaxshiroq tayyorgarlik ko'rishga yordam berishi kutilmoqda”.
O'quv kurslari onlayn tarzda elektorn ta'lim platformasida (https://uzexport.learning-solutions.cloud) va qatnab o'qish tarzida mavjud bo'ladi. Joriy yilning yozida instruktorlar Toshkentda bir qator oflayn seminarlar o‘tkazdilar. Kelgusi yilda O‘zbekiston viloyatlarida (Farg‘ona, Buxoro, Xorazm va Namangan) ko‘plab seminarlar o‘tkazish rejalashtirilgan. Dasturni muvaffaqiyatli tugatgandan so'ng, ishtirokchilar onlayn tasdiqdan o'tgan sertifikatlarga ega bo'ladilar. Barcha kurslar bepul.
Shon Leyk, ITC menejeri, KO'B (kichik va o'rta biznes) savdo akademiyasi:
"Men ushbu kurslar, ularning aniq muammoga yo'naltirilgan yondashuvi tufayli ishtirokchilarga haqiqatan ham eksportga tayyorlanishiga yordam beradi, deb hisoblayman. Bizning metodologiyamiz onlayn ta'lim uchun ham, seminarlar uchun ham sinovdan o'tkazildi, tekshirildi va instruktorlar va ishtirokchilardan ko'plab ijobiy fikr-mulohazalar olindi".
O'quv dasturi O'zbekiston korxonalariga amaliy mashg'ulotlar va hayotiy real misollar orqali o'z mahsulotlarini mintaqaviy va xalqaro miqyosda eksport qilishga yaxshiroq tayyorgarlik ko'rishga yordam berishi kutilmoqda.
Ready4Trade Central Asia - bu YI tomonidan moliyalashtiriladigan va Xalqaro savdo markazi tomonidan milliy sheriklar bilan yaqin hamkorlikda amalga oshiriladigan to'rt yillik loyiha. Loyiha mintaqa mamlakatlarida mintaqaviy va xalqaro savdoni rag'batlantirish orqali Markaziy Osiyoning umumiy barqaror va inklyuziv iqtisodiy rivojlanishiga hissa qo'shishga qaratilgan. Ready 4 Trade Central Asia loyihasining benefitsiarlari hukumatlar, kichik va o'rta biznes, xususan ayollar boshchiligidagi korxonalar va biznesni rivojlantirishni qo'llab-quvvatlovchi tashkilotlardir.
ITC haqidagi savollar bilan O'zbekistondagi ITC Milliy ofisiga murojaat qilish kerak:
Akmal Azimov, Ready4rade Central Asia milliy loyiha menejeri
E-mail: aazimov@intracen.org
Tel: +998 90 987 53 93
