PRINT

Yevropa kinolari katta ekranda: bu festivalni o‘tkazib yuborish mumkin emas!

29 noyabrdan 1 dekabrga qadar Milliy kino sanʼati saroyida (Panorama), 29 noyabr kuni Oʻzbekiston milliy universiteti, 2 dekabr kuni Fargʻona politexnika instituti va 4 dekabr kuni Qoraqalpogʻiston tibbiyot institutida Oʻzbekiston Respublikasi Madaniyat vazirligi qoshidagi Kinematografiya agentligi koʻmagida Yevropa Ittifoqining Oʻzbekistondagi Delegatsiyasi tomonidan tashkil etilgan IX Yevropa kinofestivali boʻlib oʻtadi. Ushbu tadbir Yevropa Ittifoqi va O‘zbekiston o‘rtasidagi hamkorlikning 30 yilligi munosabati bilan madaniy muloqot va do‘stlik ramzi hisoblanadi.

EFF in Uzbekistan
© EU in Uzbekistan

Festival dasturiga turli janrdagi filmlar kiradi: chuqur dramalardan tortib komediyalargacha. Har kuni soat 14:00 da namoyish etiladigan hujjatli filmlarga alohida e’tibor qaratilmoqda. Ushbu filmlar texnologiya ta’siri va urush oqibatlaridan tortib, qiyinchiliklarni yengib oʻtish haqidagi hikoyalargacha boʻlgan muhim mavzularni qamrab oladi.

Jadval:

29 noyabr

11:00 – “Suv parisi yigʻlamaydi” (Avstriya): oʻzini anglash haqidagi zamonaviy ertak.

14:00 – “Imadning bolaligi” (Shvetsiya, Iroq, Latviya, hujjatli): urushdan aziyat chekkan bola haqidagi hujjatli hikoya.

19:00 – “Jiguli” guruhi haqidagi haqiqatlar” (Bolgariya): muvaffaqiyat sari ikkinchi imkoniyat haqida ta’sirchan komediya.

30 noyabr

11:00 – “Lyuksemburg, Lyuksemburg” (Ukraina): ikki aka-ukaning ta’sirchan hikoyasi.

14:00 – “Lola” (Irlandiya): kelajakdan radioto‘lqinlarni qabul qilish qurilmasini ixtiro qilgan opa-singillar haqida hujjatli film.

19:00 - “Aybsiz aybdor” (Sloveniya): kechirimlilik va bagʻrikenglik haqidagi drama.

1 dekabr

11:00 – “Birinchi qor” (Finlandiya): qochqinlik maqomini olish uchun kurashayotgan oilaning hikoyasi.

14:00 – “Urush-uch ayol nigohida” (Germaniya): Ikkinchi jahon urushi muxbirlari haqidagi hujjatli film.

19:00 – “Xavfli janoblar” (Polsha): kulgili detektiv hikoya.

Filmlar original tilda oʻzbek va ingliz tilidagi subtitrlar bilan namoyish etiladi, bu esa tomoshabinlarga qahramonlar dunyosiga to‘liq sho‘ng‘ish va milliy madaniyatlar rang-barangligini his qilish imkonini beradi.

Kirish bepul!

Oʻzingizga uch kun ilhomni hadya qiling va Yevropa kinosining sehrini kashf eting.

Sana: 29 noyabr - 1 dekabr

Manzil: Milliy kino sanʼati saroyi (Panorama). Qoʻshimcha ma’lumot uchun Yevropa Ittifoqining Oʻzbekistondagi Delegatsiyasi ijtimoiy tarmoqlarini kuzatib boring.