Уступнае слова

Добрай раніцы, Спадарыня Прэзідэнт,

Шаноўныя сябры Еўрапейскага парламента,

Падчас апошніх некалькіх месяцаў актывізіраваліся міжнародныя намаганні па спыненні вайны, развязанай Расіяй. Але Расея адказвае на гэта яшчэ большай агрэсіяй. У мінулыя выходныя Расія нанесла самы маштабны паветраны ўдар за ўвесь час вайны. Пуцін абсалютна не зацікаўлены ў міры і не спыніць вайну, пакуль ён не будзе вымушаны гэта зрабіць. 

Менавіта таму Еўрапейскі саюз і нашы краіны-сябры ад пачатку поўнамаштабнай вайны ў 2022 годзе аказалі фінансавую дапамогу на суму амаль 169 мільярдаў еўра. У гэтую суму ўваходзіць больш за 63 мільярды еўра ваеннай дапамогі Украіне. У гэтым годзе краіны-сябры дадуць больш дапамогі, чым было раней - на дадзены момант 25 мільярдаў еўра. Яны таксама аддалі 80% ад нашага мэтавага паказчыка, які складае 2 мільёны боепрыпасаў. Мы імкнемся дасягнуць 100% да кастрычніка.

Усё гэта робіцца дзеля таго, каб Украіна магла абараняцца, абараняць сваіх грамадзянаў і адбіваць агрэсію. 

Еўропа таксама аказвае ўкраінскай абароннай прамысловасці самую значную падтрымку дзякуючы прыбытку ад замарожаных расійскіх актываў. Еўрапейцы згуртаваліся і ўвялі 18 пакетаў санкцый супраць Расіі і тых, хто садзейнічае вайне Расіі, — чатыры з іх толькі за апошнія дзевяць месяцаў. Міжнародныя санкцыі ўжо пазбавілі Расію як мінімум 450 мільярдаў долараў ваенных сродкаў, у тым ліку 154 мільярды долараў прыбытку ад нафты. 

Еўропа калісьці з’яўлялася найбуйнейшым рынкам збыту расійскай энергіі, але зараз гэта ўжо не так. Спадзяюся, што мы ўвогуле не будзем імпартаваць расейскі газ і нафту з 2027 года. Еўрапейскі саюз таксама ўвёў санкцыі супраць 444 судоў "ценявага" флоту, якія абыходзяць нашы санкцыі і прыносяць Расіі незаконны прыбытак ад нафты.

Адвага Украіны, падмацаваная міжнароднай падтрымкай, ужо перашкодзіла Расіі дасягнуць сваіх ваенных мэтаў. Але гэтага недастаткова. Адзіны варыянт, які ў нас ёсць, гэта ўзмацняць ціск на Расію, аказваць больш падтрымкі Украіне і рыхтавацца да часу пасля заканчэння вайны.

Шаноўныя сябры Еўрапейскага парламента,

Узмацненне ціску на Расію азначае дадатковыя санкцыі і працяг працы па спыненні абыходу санкцый, у тым ліку шляхам ліквідацыі ценявога флоту. Што тычыцца санкцый, то, як я ўжо сказаў, мы зараз працуем над 19-м пакетам і збіраем прапановы ад краін-сябраў.

Мы таксама каардынуем свае дзеянні з партнёрамі, паколькі ўплыў узгодненых на міжнародным узроўні санкцый значна мацнейшы, чым дзеянні ЕС паасобку. 

Нашае пасланне Расіі простае: гэтую вайну немагчыма выйграць. Пакіньце поле бою і сядзьце за стол перамоваў з Украінай.

Калі гэта адбудзецца, Расіі нельга дазволіць пераўзброіцца і зноў напасці. Мы праходзілі ўжо праз гэта. Пуцін не хавае, што Украіна - гэта толькі пачатак. Пуцін хоча аднавіць сферу ўплыву Расіі, якая існавала да 1991 года.

Але Захад аднадушны адносна пытання прадастаўлення Украіне гарантый бяспекі. Зараз на стале перамоваў “Кааліцыі ахвочых” ляжаць сур'ёзныя абавязацельствы. Менавіта таму на наступны дзень пасля сустрэчы “Кааліцыі ахвочых” на мінулым тыдні Пуцін прыгразіў атакамі супраць любой заходняй прысутнасці на зямлі, уключаючы міратворцаў.Гэта сур'ёзнае абвастрэнне з боку Расіі, якое наўпрост падрывае еўрапейскую бяспеку. Расія не мае права голасу ў пытанні аб тым, як мы абараняем сябе.

Шаноўныя сябры Еўрапейскага парламента,

Менавіта таму Еўрапейскі саюз далей будзе ўносіць свай ўнёсак у забеспячэнне бяспекі нашага кантынента. Праца ідзе па трох напрамках.  

Па-першае, Еўрапейскі саюз ужо падрыхтаваў каля 80 000 украінскіх салдат. Мы аказваем большую дапамогу ў падрыхтоўцы Узброеных сіл Украіны, чым хто-небудзь іншы. Акрамя таго, мы распачалі працу па змене мандата нашай місіі [EUMAM Ukraine], каб мець магчымасць праводзіць падрыхтоўку і на тэрыторыі Украіны. Самая надзейная гарантыя бяспекі – гэта моцная украінская армія. 

Па-другое, Еўрапейскі саюз будзе і надалей падтрымліваць забеспячэнне ўнутранай бяспекі і ўстойлівасці Украіны ў рамках нашай грамадзянскай місіі [EUAM Ukraine]. Мы ўжо аказалі падтрымку ўкраінскай паліцыі і дапамаглі ўмацаваць вяршынства права ў краіне. Сёння трэба будзе вырашыць яшчэ шмат задач, у тым ліку звязаных з вайной.

І па-трэцяе, мы працягнем умацоўваць абаронную прамысловасць Украіны, у тым ліку дапамагаючы Украіне вырабляць больш вайсковай прадукцыі ў ЕС. Еўрапейскі саюз ужо актыўна заклікае краіны ЕС супрацоўнічаць з Украінай, каб падтрымаць яе і павывучваць урокі з яе вопыту вайны.Мы таксама няўхільна інтэгруем Украіну ў еўрапейскую абаронна-прамысловую базу, у тым ліку стымулюючы сумесныя закупкі ў рамках інструмента SAFE.

Шаноўныя сябры Еўрапейскага парламента,

Уступленне Украіны ў Еўрапейскі саюз дае ўкраінскаму народу надзею, дорыць магчымасць зноў жыць свабодна і квітнець. 

Украіна ўжо прадэманстравала выдатныя поспехі ў правядзенні рэформаў, нават ва ўмовах вайны, але пра гэта падрабязней раскажа мой калега. Уступленне ў ЕС – гэта працэс, які будуецца на заслугах, Украіна вартая прагрэса. Прыйшоў час пачаць перамовы па першым класцеры.

Гэтая вайна скончыцца. І калі гэта адбудзецца, Украіна адновіцца, а Расея заплаціць за нанесеную шкоду. Расійскія суверэнныя актывы павінны заставацца замарожанымі да таго часу, пакуль Расея не спыніць сваю агрэсіўную вайну супраць Украіны і не кампенсуе Украіне мільярды еўра ўрону, які яна нанесла і працягвае наносіць.

Шаноўныя сябры Еўрапейскага парламента,

Тое, што Расея, магчыма, лічыла непазбежным, далёка ад гэтага. Расія не зламала рашучасць Украіны і не павінна зламаць нашу. Тыя, хто сумняецца, не павінны сумнявацца. Бяспека Украіны - гэта бяспека еўрапейцаў. І пакуль Расія працягвае сваю незаконную вайну, мы мусім працягваць змагацца. 

Дзякуй.

Link to the video (starting 0:57): https://audiovisual.ec.europa.eu/en/media/video/I-276512 

Заключнае слова

Дзякую вам, шаноўныя сябры Еўрапейскага парламента.

Я хачу падзякаваць Еўрапейскаму парламенту за нязменную падтрымку Украіны і яе народа. Яны перажываюць вельмі цяжкія часы, і вы побач з імі напрацягу трох з паловай гадоў. Гэта таксама адлюстравана ў дакладзе спадара Галера.

Ваша прыхільнасць мае вырашальнае значэнне не толькі для Украіны, але і для абароны тых прынцыпаў, якія мы, еўрапейцы, адстойваем. 

Мы разам ў гэты вельмі неспакойны час. Дзякуй вам за гэта.

Link to the video (starting 3:41): https://audiovisual.ec.europa.eu/en/media/video/I-276514