Усходняе партнёрства ляжыць у аснове знешняй палітыкі ЕС
ЕС стратэгічна зацікаўлены ў тым, каб мець стабільных і паспяховых суседзяў: мы можам быць у бяспецы і квітнець толькі ў тым выпадку, калі бяспека і росквіт ёсць у нашых суседзяў. Ва ўмовах цяперашняга крызісу, выкліканага пандэміяй каранавірусу, як ніколі важна падтрымваць нашых партнёраў у пабудове больш устойлівых і дэмакратычных грамадстваў.
Краіны Усходняга партнёрства ажыццяўляюць сваю праграму рэформ рознымі тэмпамі, і нашы адносіны з імі адрозніваюцца па якасці і інтэнсіўнасці. Усходняе партнёрства – рэгіён нашага суседства, і мы культурна і гістарычна злучаны адзін з адным. Большасць грамадзян краін Усходняга партнёрства ў наш час станоўча ўспрымаюць ЕС.
Хоць прамая шкода здароўю ў краінах Усходняга партнёрства была дагэтуль меншай, пандэмія лягла сур'ёзным цяжарам на сістэму аховы здароўя. Як і іншыя краіны, краіны рэгіёну ўваходзяць у стадыю рэцэсіі, якая можа прывесці да дадатковых рызык, звязаных з сацыяльнай стабільнасцю і бяспекай, з магчымым пашырэннем на рэгіён і за яго межы.
Каб зменшыць гэту рызыку, мы мабілізавалі разам з дзяржавамі-членамі каля 1 млрд еўра для падтрымкі краін Усходняга партнёрства ў задавальненні надзённых патрэб, а таксама ліквідацыі сацыяльна-эканамічных наступстваў пандэміі.
Гэтыя абставіны таксама спрыяюць пашырэнню іншага вірусу – вірусу дэзынфармацыі і фэйкавых навін, якія падрываюць ролю ЕС. Краіны Усходняга партнёрства з'яўляюцца важнай мішэнню для гэтых кампаній. Мы шырока засудзілі гэту з'яву і абвясцілі пра меры па змаганні з ім. Мы таксама працягнем дыялог з нашымі партнёрамі па Усходнім партнёрстве па фундаментальных пытаннях дэмакратыі і вяршынства права.
На наступным тыдні лідары дзяржаў-членаў ЕС і нашых краін-партнёраў сустрэнуцца, каб распрацаваць новы набор адчувальных, рэалістычных і канкрэтных мэт на наступныя гады.
Глядзіце таксама
MORE FROM THE BLOG
"A Window on the World" - Blog from HR/VP Josep Borrell
Josep Borrell's blog about his activities and the European foreign policy. You can also find here interviews, opinions, a selection of speeches and videos.