Përfaqësuesi i Lartë, Xhozep Borell – BE-ja dëshmon se qëndron pranë Ballkanit Perëndimor

Ashtu si u paralajmërua  sot, Komisioni Evropian dhe Banka Evropiane për Investim do të mobilizojnë mbi 3,3 miliardë euro në dobi të qytetarëve të Ballkanit Perëndimor.  Kjo mbështetje do të vazhdojë t’i trajtojë nevojat urgjente shëndetsore dhe ato humanitare që dalin si rezultat i Pandemisë së Kovid-19 dhe do të ndihmojë në rimëkëmbjen socioeokonimike të rajonit.

https://twitter.com/JosepBorrellF/status/1255468393962110976

BE-ja dhe Ballkani Perëndimor po ballafaqohen me krizën së bashku.  Duke e pasur parasysh perspektivëne tyre evorpiane, BE-ja ka përfshirë Ballkanin Perëndimor në disa iniciativa dhe instrumente të rezervuara për vendet-anëtare të BE-së. Këto përfshijnë furnizimin e përbashkët me pajisje mjeksore, duke e liruar rajonin nga skema për autorizim të eksportit të BE-së për pajisje personale mbrojtëse dhe furnizim me material për testim nga BE-ja. BE-ja gjithashtu ka siguruar qarkullim të shpejt të produkteve thelbësore nëpërmjet ‘korsive të gjelbërta’. Rajoni është gjithashtu i kyçur në punën e institucioneve relevante shëndetësore të BE-së si dhe përpjekjeve për hulumtim dhe inovacion.

Me pakon e sotme, BE-ja dërgoi edhe një sinjal të fuqishëm dhe të qartë – se do të vazhdojë t’i mbështesë partnerët nga Ballkani Perëndimor.

Kjo mbështetje gjithashtu i përfshin edhe reformat e nevojshme për të ecur përpara në rrugën evropiane, duke pasur parasysh se rimëkëmbja pas gjendjes me Pandeminë e Kovid-19 do të ketë efekt vetëm nëse vendet vazhdojnë t’i plotësojnë obligimet e veta që kanë të bëjnë me intergrimin në BE. Në këtë kontekst, partnerët nga Ballkani Perëndimor inkurajohen të fokusohen fuqimisht në reformat nga fusha e sundimit të së drejtës, funksionimin e institucioneve demokratike dhe administratën publike.

Sapo të kalojë kriza urgjente me Kovid-19, një Plan ekonomik dhe investues për rajonin do të prezentohet këtë vit për ta mbështetur rimëkëmbjen afatgjate, rritjen ekonomike dhe reformat e nevojshme për të ecur përpara në rrugën evropiane.

Shiko gjithashtu

• Press release - Western Balkans' leaders meeting: EU reinforces support to address COVID-19 crisis and outlines proposal for pos
• Communication from the Commission to the European Parliament, the Council, the European Economic and Social Committee and the Co
• Factsheet on EU response to the coronavirus pandemic in the Western Balkans
• Factsheet EU Western-Balkans relations