THIS CONTENT HAS BEEN ARCHIVED
ՏՊԵԼ

«Վերականգնվող էներգիայի և էներգիայի արդյունավետ օգտագործման հնարավորությունը Վայք և Սպիտակ քաղաքներում» (ՎԱԷՀՔ) ծրագիր

31.05.2018

Տարածաշրջանի երկրների մեծ մասում էներգիայի սպառումը հասարակական, առևտրային և բնակելի շենքերը տաքացնելու նպատակով կազմում է ընդհանուր օգտագործված էներգիայի ավելի քան 30%-ը, քանի որ շենքերի կառուցման և տաքացման նախկին մեթոդները չէին կենտրոնանում էներգաարդյունավետության (ԷԱ) վրա։ Արդյունքում, էներգիայի ոչ արդյունավետ օգտագործումն ավելի է մեծացնում էներգիայի աճող գների ազդեցությունը ընտանիքների կամ հասարակական հաստատությունների վրա։ Հայաստանի բնակարանային ֆոնդի մեծ մասը, հատկապես՝ քաղաքային տարածքներում, բաղկացած է հավաքովի բազմաբնակարան շենքերից, որոնք սովորաբար վատ են կառուցված, ունեն վատ ջերմամեկուսացում և վատ են պահպանվում, որի արդյունքում ապահովում են ԷԱ և բնակության հարմարավետության ցածր մակարդակ։

Վայք և Սպիտակ քաղաքների բազմաբնակարան և հանրային շենքերը չեն համապատասխանում ԷԱ ներկայիս ստանդարտներին: Որպես Քաղաքապետերի դաշնագրի (ՔԴ) անդամներ՝ այս քաղաքները պարտավորվել են ածխաթթու գազի արտանետումները մինչև 2020թ. նվազեցնել 20%-ով՝ իրականացնելով Կայուն էներգետիկ զարգացման գործողությունների ծրագրեր: 

ՎԱԷՀՔ ծրագրի նպատակն է աջակցել Սպիտակի և Վայքի քաղաքապետարաններին մշակելու և փորձարկելու էներգախնայողության (ԷԽ) արդյունավետ և գործարկելի ֆինանսական մոդել(ներ)՝ բազմաբնակարան շենքերում կիրառելով ԷԱ միջոցառումներ և վերականգնվող էներգիայի (ՎԷ) աղբյուրներ, որը պետք է ներառվի նրանց Համայնքային զարգացման պլաններում/ՔԴ ներքո իրականացվող Կայուն էներգետիկ զարգացման գործողությունների ծրագրում:

ԵՄ-ի ՔԴ-ի գործունեությանն առավել մանրամասն կարելի է ծանոթանալ այստեղ՝ https://www.covenantofmayors.eu/:

Գործողությունների ամփոփ նկարագիր

Ծրագրի շրջանակում նախատեսվում է ԷԽ և ԷԱ նպաստող միջոցառումների (տանիքի ծածկի, մուտքերի դռների և աստիճանահարթակների պատուհանների փոխում, ձեղնահարկի հատակի և պատերի ջերմամեկուսացում) իրականացում 45 բազմաբնակարան (18 շենք Վայքում, 27-ը՝ Սպիտակում) և 2 հանրային շենքում (Վայքի Մշակույթի տուն, Սպիտակի թիվ 2 մանկապարտեզ):  Պարբերաբար կազմակերպվող գիտելիքների փոխանակման հանդիպումները թիրախային շենքերի բնակիչների և քաղաքապետարանների աշխատակիցների մասնակցությամբ կնպաստեն էներգիայի սպառման հետ կապված նրանց վարքագծի փոփոխմանը, ինչպես նաև կբարձրացնեն հանրության իրազեկվածության մակարդակը էԽ, ԷԱ և ՎԷ վերաբերյալ: Վայքի և Սպիտակի քաղաքապետարանների աշխատակազմի համար անցկացվող վերապատրաստման դասընթացները կայուն էներգետիկ զարգացման ծրագրեր իրականացնելու վերաբերյալ կնպաստեն ծրագրի կայունության ապահովմանը: Ֆոտովոլտայիկ կայանի ստեղծումն էլեկտրաէներգիա կապահովի 8 հանրային սպառողների համար, իսկ շենքերի մուտքերի, աստիճանահարթակների և բակերի լուսավորության համակարգը կբարելավվի:

 

Տևողությունը՝   18/12/2014 – 17/12/2018 (48 ամիս)

Ծրագրի ընդհանուր բյուջեն՝  1,687,539.00 եվրո

ԵՄ ներդրումը՝   1,350,000.00 եվրո

Վայրը՝     Լոռու և Վայոց ձորի մարզ

Իրականացնող գործընկերներ՝ «Հաբիթաթ ֆոր Հյումենիթի Արմենիա» հիմնադրամ՝ Սպիտակի և Վայքի քաղաքապետարանների հետ համագործակցությամբ

Project category
Energy
Editorial sections
Armenia