Претседателот Кошта патува во Западен Балкан за да се сретне со лидерите од регионот и да копретседава со самитот ЕУ-Западен Балкан
Претседателот на Европскиот совет, Антонио Кошта, ќе отпатува во Западен Балкан следната недела (1-5 јуни) за да се сретне со лидерите од регионот и да биде копретседавач на самитот ЕУ-Западен Балкан во Тиват, Црна Гора (на 5 јуни). Претседателот Кошта ќе разговара за можностите и предизвиците околу проширувањето, постепената интеграција, регионалната соработка, безбедноста и стабилноста.
„Мојата втора турнеја низ Западен Балкан испраќа јасен сигнал: посветеноста на ЕУ кон регионот е реална; исто толку реална колку и можноста за проширување. Моментумот е тука. Сега е време да се испорачуваат резултати“, изјави Антонио Кошта, претседател на Европскиот совет.
Претседателот Кошта ќе ги посети шесте партнери од Западен Балкан, почнувајќи во Сараево в понеделник, 1 јуни. Во вторник, 2 јуни, претседателот Кошта ќе биде во Тирана, а потоа ќе го посети Скопје, каде ќе се сретне со премиерот Христијан Мицкоски. Следниот ден, среда, 3 јуни, претседателот Кошта ќе се упати кон Приштина, додека в четврток, 4 јуни, претседателот Кошта ќе го посети Белград. Турнејата ќе ја заокружи со посета на Црна Гора.
На 5 јуни, претседателот Кошта ќе биде копретседавач на самитот ЕУ-Западен Балкан. Главната тема на овој самит е „Заедничкиот просперитет и стабилност на ЕУ и Западен Балкан“.
Претседателот Кошта ќе одржува прес-конференции во сите градови што ќе ги посети.
Вторник, 2 јуни 2026 година,
18.30 - заедничка прес конференција со премиерот Мицкоски (Скопје).
Петок, 5 јуни 2026 година
15:30 – Прес-конференција по самитот ЕУ-Западен Балкан со претседателката фон дер Лајен и претседателот Милатовиќ (Тиват)
Сите прес конференции како и видеа и фотографии од посетите, ќе бидат достапни во редакцијата на Советот.
Повеќе информации: