Java e Evropës 2018 në Selcën e Poshtme dhe Pogradec

Ambasadorja e BE-së Romana Vlahutin, Ministrja e Kulturës Mirela Kumbaro, Ambasadorja sllovene në Shqipëri Lea Stancic dhe Kryetari i Bashkisë Pogradec Eduart Kapri, së bashku me kolegët e tyre, vizituan varret mbretërore ilire në Selcën e Poshtme, një territor i bashkisë së Pogradecit. Varret mbretërore ilire janë një vend me bukuri të madhe mistike, një prej shumë perlave shqiptare të fshehura për të cilat ia vlen udhëtimi jashtë shtigjeve të rrahura.

Një tjetër veprimtari u organizua në një vend të bukur në Tushemisht me pamje nga Liqeni i Ohrit – një diskutim me qytetarët rreth potencialit turistik të Liqenit të Ohrit.