Дар Душанбе масъалаи татбиқи паймони байналмилалӣ оид ба ҳуқуқҳои шаҳрвандӣ ва сиёсӣ баррасӣ шуд

Семинар аз ҷониби Маркази ҳифзи ҳуқуқҳои шаҳрвандӣ ва сиёсӣ (Женева), ФҶ «Нотабене» ва ТҶ «Идораи ҳуқуқи инсон ва риояи қонуният» дар доираи лоиҳаи «Мониторинги иҷрои ӯҳдадориҳо дар самти ҳуқуқи инсон» бо дастгирии молиявии Иттиҳоди Аврупо баргузор карда шуд.

Семинарро ба гузориши ояндаи Ҷумҳурии Тоҷикистон ба Кумитаи СММ оид ба ҳуқуқи инсон барои ошноии намояндагони ҷомеаи шаҳрвандӣ бо тартиботи кумита ва ҳангоми таҳияи гузоришҳои ТҒД бахшида шуда буд.

Семинарро мутахассисони Маркази ҳифзи ҳуқуқҳои шаҳрвандӣ ва сиёсӣ (Женева) гузарониданд. Мавзӯъҳои семинар инҳоро дар бар гирифтанд: тақвият додани донишҳои намояндагони ҷомеаи шаҳрвандӣ вобаста ба раванди татбиқи ПБҲШС; боло бурдани сатҳи истифодабарии механизми мазкур миёни ҷомеаи шаҳрвандӣ дар Тоҷикистон;  пешбурди ҷараёни омодасозии гузориши муштараки ҷомеаи шаҳрвандӣ тибқи номгўи суолҳо барои пешниҳод намудан ба Кумитаи СММ оид ба ҳуқуқи инсон; маълум намудани мушкилоти асосие, ки ҷомеаи шаҳрвандӣ ҳангоми ҳимояи ҳуқуқҳои шаҳрвандӣ ва сиёсӣ дучор меояд, инчунин дар ҳамкорӣ бо мақомоти СММ оид ба ҳуқуқи инсон, бо шумули Кумитаи ҳифзи ҳуқуқи инсон; коркарди нақшаи мушаххаси чорабиниҳо бо нишон додани мӯҳлатҳои омодасозии гузориш.

Барои гирифтани маълумоти муфассал, лутфан муроҷиат намоед: Давлатова Шоира, тел.: (+992) 446257611 почтаи электронӣ: ichrp.tj@gmail.com.