საქართველო და „ევროიუსტი“ ხელს აწერენ თანამშრომლობის შეთანხმებას
ქალბატონმა წულუკიანმა განაცხადა: „დღევანდელი ორმხრივი შეთანხმების გაფორმება ევროიუსტთან ოთხწლიანი მოლაპარაკებების შედეგია. პარტნიორობის ახალი ჩარჩოს ფარგლებში უფრო განვავითარებთ არსებულ სამართლებრივ და ინსტიტუციონალურ მექანიზმებს, ევროკავშირის სტანდარტებთან და კრიმინალურ საკითხებში სამართლებრივი თანამშრომლობის პოლიტიკასთან მეტად დაახლოების მიზნით. შეთანხმება გააძლიერებს ევროკავშირისა და საქართველოს ერთობლივ ინსტიტუციონალურ და ოპერატიულ უნარს, რათა წარმატებით დავძლიოთ ტრანსნაციონალური დანაშაულები და სხვა საერთო გამოწვევები“.
ბატონმა ჰარმანმა განაცხადა: „თანამშრომლობის შეთანხმება მნიშვნელოვანი წინ გადადგმული ნაბიჯია საქართველოსთან პარტნიორობისათვის. ბოლო წლებში ახლო თანამშრომლობით საგრძნობი შედეგების მიღწევა შევძელით ტრანსნაციონალური სერიოზული დანაშაულებების სამართლებრივი დევნის, ეჭვმიტანილების მართლმსაჯულების წინაშე წარდგენის გაძლიერებისა და მოქალაქეების უკეთ დაცვის კუთხით. დარწმუნებული ვარ, რომ თანამშრომლობის ამ შეთანხმების წყალობით მომავალში უფრო მეტი ოპერატიული და სტრატეგიული წარმატებების მიღწევას შევძლებთ და ყოველ ახალ შემთხვეასთან ერთად მსოფლიოს კიდევ უფრო მეტად უსაფრთხო გახდება“.
გაძლიერებული სამართლებრივი თანამშრომლობა საქართველოსთან
შეთანხმება უზრუნველყოფს ინფორმაციისა და მტკიცებულების სწრაფ და ეფექტურ მიმოცვლას საქართველოს, ევროკავშირის წევრ ქვეყნებსა და მესამე სახელმწიფოებს შორის, რომლებმაც ევროიუსტთან გააფორმეს თანამშრომლობის ეს შეთანხმება. ეს დაეხმარება ევროიუსტს უკეთესად გამოავლინოს ტრანსნაციონალურ დონეზე მოქმედი ქართველი ორგანიზებული დანაშაულებრივი ჯგუფები, რომლებიც საფრთხეს უქმნიან ევროპის უსაფრთხოებას. საქართველოს ექნება წვდომა ევროიუსტის საინფორმაციო სისტემებზე და შესაძლებლობა ექნება გაიზიაროს პერსონალური მონაცემები და მტკიცებულებანი, რომლებსაც ადგილი ექნება კრიმინალურ გამოძიებებში და სამართლებრივ დევნაში მთელს ევროპაში. შეთანხმება საქართველოს შესაძლებლობას აძლევს ევროიუსტთან ურთიერთობაზე პასუხისმგებელი პროკურორი ოპერატიული თანამშრომლობის გაძლიერების და საერთაშორისო ქმედებების უფრო მჭიდროდ კოორდინირების მიზნით. საქართველო ერთ-ერთი ყველაზე აქტიურია მესამე სახელმწიფოებს შორის, რომლებიც ევროიუსტთან მართლმსაჯულების კუთხით თანამშრომლობენ; 2012 წლიდან იგი ჩაბმული იყო 27 ტრანსნაციონალურ გამოძიებებში, რომლებიც ეხებოდა თაღლითობას, გაყალბებას, ორგანიზებულ ქონებრივ დანაშაულს, ფულის გათეთრებებს და სხვა სახის დანაშაულებს.
საცნობარო ინფორმაცია: ევროიუსტის თანამშრომლობის შეთანხმებები
ევროიუსტი ევროკავშირის სამართლებრივი თანამშრომლობის სააგენტოა, რომელიც შეიქმნა 2002 წელს წევრ სახელმწიფოების უფლებამოსილ ორგანოებს შორის თანამშრომლობის სტიმულირებისა და გაძლიერების და მათი გამოძიებებისა და სამართლებრივი წესით დევნის კოორდინირების გაუმჯობესების მიზნით სერიოზულ ტრანსნაციონალურ და ორგანიზებულ დანაშაულებებთან მიმართებით. ევროიუსტს შეუძლია ოფიციალურად ითანამშრომლოს მესამე სახელმწიფოებთან, რომლებთანაც ხელი მოეწერა თანამშრომლობის შეთანხმებას მართლმსაჯულების ინფორმაციისა და პერსონალური მონაცემების ურთიერთგაცვლის თაობაზე. ევროიუსტს თანამშრომლობის შეთანხმება დადებული აქვს 11 მესამე სახელმწიფოსთან: ალბანეთან, საქართველოსთან, ისლანდიასთან, ლიხენშტეინთან, მოლდავეთთან, მონტენეგროსთან, ნორვეგიასთან, ჩრდილო მაკედონიასთან, შვეიცარიასთან, უკრაინასთან და ამერიკის შეერთებულ შტატებთან. აქედან ექვს სახელმწიფოს დანიშნული ჰყავს შუამავალი პროკურორი ევროიუსტში.
მეტი ინფორმაცია: