Evrópudagurinn 2026

Síðastliðinn laugardag héldum við Evrópufögnuð í Norræna Húsinu með þátttakendum frá 14 aðildarríkjum Evrópusambandsins og Rannís, þar komu saman fjölmargar fjölskyldur og aðrir góðir gestir til að gera sér glaðan dag að fagna menningarlegri fjölbreytni álfunnar.

Þetta var einstakt tækifæri fyrir gesti að kynnast og upplifa fjölbreytta menningu álfunnar, bæði í mat og list, sem og tungumál Evrópusambandsins. Gestir og gangandi fengu líka að upplifa lifandi tónlist og sköpunargleði barna. Veðrið lék við okkur og gleðin var alltumlykjandi.

Svona á Evrópudagurinn að vera — vettvangur þar sem fólk kemur saman, kynnist hverju öðru og fagnar því sem við eigum sameiginlegt.

Við viljum sérstaklega þakka fulltrúum allra aðildarríkja sem tóku þátt og Rannís kærlega fyrir að hafa hjálpað okkur að gera Evrópudaginn 2026 ógleymanlegan.