Sameiginleg yfirlýsing: 30 ár hafa liðið frá gildistöku EES samningsins

Í dag minnumst við þess að 30 ár hafa liðið frá gildistöku Samningsins um Evrópska efnahafssvæðið (EES / EES samningsins). EES er einstakt svæði sem sameinar 30 ríki og tæplega hálfan milljarð fólks í heimsins stærsta sameiginlega innri markað. EES byggist á sameiginlegum gildum og meginreglum og stuðlar að efnahagslegum og stjórnmálalegum stöðugleika, sem og velmegun og öryggi í Evrópu.

Ásamt Íslandi, Liechtenstein og Noregi hefur Evrópusambandið stöðugt unnið að uppbyggingu betri Evrópu í þágu borgara og fyrirtækja undanfarin 30 ár. Þegar litið er yfir farinn veg getum við verið stolt af því sem við höfum áorkað saman.

EES sameinar aðildarríki Evrópusambandsins, Ísland, Liechtenstein og Noreg í sameiginlegan innri markað sem tryggir frjálst flæði vöru, þjónustu, fjármagns og fólks. EES tryggir jöfn skilyrði með beitingu einsleitra reglna og meðfylgjandi stefnum á sviði samkeppnis-, umhverfis-, loftslags- og félagsmála. Með víðtækri þátttöku EES EFTA ríkjanna í samstarfsáætlunum Evrópusambandsins, skapar EES einnig tækifæri fyrir samstarf á sviði rannsókna, tækniþróunar, umhverfis, menningar, menntunar, heilbrigðis og almannavarna. Afrek okkar eru afleiðing af sameiginlegri sýn, sterkri skuldbindingu og gagnkvæmri virðingu okkar á milli.

EES er arfleifð okkar til komandi kynslóða. Í núverandi geopólítísku samhengi er EES-samningurinn fyrirmyndardæmi um samstarfsvettvang milli náinna samstarfsaðila. Við hlökkum til að styrkja samband okkar við Ísland, Liechtenstein og Noreg á næstu 30 árum og víðar.