Silja Sigrún Ólafsdóttir útskrifaðist nýlega með meistaragráðu í átakafræðum og stjórnsýslufræðum frá Háskólanum í Amsterdam, þar sem hún lagði áherslu á friðargæslu á átakasvæðum og sjálfsákvörðunarrétt minnihlutahópa. Hún hefur reynslu af fjáröflun og skipulagningu samstarfsverkefna fyrir mannréttindasamtök, sem og að sinna rannsóknarvinnu fyrir mannréttindasamtök.

Silja útskrifaðist einnig með fjölgreina BA gráðu úr Háskólanum í Amsterdam sem samanstendur af blöndu af stjórnmálafræði, sálfræði, lögfræði og hagfræði (PPLE), en í því námi lagði hún áherslu á stjórnmálahagfræði.