ЕУ е со сите ЛГБТИК лица – еднаквоста, почитувањето на достоинството и почитувањето на различноста се суштински вредности на Унијата. На Меѓународниот ден против хомофобијата, трансфобијата и бифобијата (ИДАХОТ), Делегацијата на ЕУ, заедно со Амбасадата на САД, беше домаќин на панел дебата за прашања кои ги засегаат ЛГБТИК лицата и целото општество.

На 12 мај, млади активисти, придружени од млади европски амбасадори од Северна Македонија, симболично ја „зазедоа“ свечената сала во Владата – за да им ги претстават на премиерот Димитар Ковачевски и на министрите заклучоците од конференцијата #ThinkForward: YOUth ACTion NOW!, која се одржа претходните денови во Скопје, со учество на триесетина млади од целиот Западен Балкан.

Малку пригоди собрале толку многу посетители на брегот на езерцето во скопскиот парк ноќе. Концертот на Дуке Бојаџиев на 9 мај и’ донесе несекојдневно музичко и визуелно искуство на публиката, ускратена од настани за време на пандемијата, воедно испраќајќи порака за мир во Украина.

Под слоганот #ThinkForward, Делегацијата на ЕУ, заедно со Јуроп Хаус, годинава го одбележува Денот на Европа со низа активности, кои, првпат од почетокот на пандемијата, вклучуваат физичко присуство.