Sorry, you need to enable JavaScript to visit this website.
THIS CONTENT HAS BEEN ARCHIVED

Նախագահ Դոնալդ Տուսկի ելույթը՝ ՀՀ վարչապետ Նիկոլ Փաշինյանի հետ հանդիպումից հետո

10.07.2019
Text

Շնորհակալ եմ,  պարոն վարչապետ,  ջերմ ընդունելության և գերազանց քննարկման համար: Սա իմ առաջին այցն է Երևան՝ Հայաստանում տեղի ունեցած խաղաղ հեղափոխությունից հետո: Ուրախ եմ լինել այստեղ այսօր՝ Հայաստանում առկա դրական դինամիկան նոր հեռանկարներ է բացում մեր հետագա համագործակցության համար: Իմ այցը վկայում է այն մասին, որ Եվրամիությունը կարևորում է Հայաստանի և տարածաշրջանի հետ հարաբերությունները:

Մեր քննարկման ընթացքում կարևորվեց մեր գործընկերության համաձայնագրի արդյունավետ իրականացումը՝ հավակնոտ համաձայնագրի, որն աջակցում է  Հայաստանի արդիականացմանը:  Եվրամիությունը կշարունակի տեխնիկական և ֆինանսական աջակցություն տրամադրել համաձայնագրի իրականացման ուղղությամբ: .

Վարչապետն ու ես համակարծիք էինք, որ օրենքի գերակայությունը, կոռուպցիայի դեմ պայքարը և մարդու իրավունքների նկատմամբ հարգանքը կարևոր են:  ԵՄ-ն ողջունում է անկախ, արդյունավետ և հաշվետու դատական ​​համակարգ ստեղծելու ուղղությամբ կենտոնցումը:  Կուռ  դատական ​​համակարգը ժողովրդավարության կայացման  և տնտեսական և սոցիալական զարգացման կարևոր բաղադրիչ է: Այս ուղղությամբ նույնպես ԵՄ-ն կշարունակի աջակցել փորձի փոխանակմամբ և մոբիլիզացնելով հավելյալ ռեսուրսներ:  Մենք նաև քննարկեցինք հակակոռուպցիոն մասնագիտացված հանձնաժողովի ստեղծման գաղափարը:

Ի նշան Կառավարության կողմից բարեփոխումների ուղղությամբ ներդրվող ջանքերի ճանաչման՝ 2019 թվականին ԵՄ-ն գրեթե կրկնապատկել է մեր աջակցությունը Հայաստանին:  Ֆինանսական միջոցները կօգնեն իրականացնել առաջնհերթ  նշանակության ծրագրեր, այդ թվում՝ ենթակառուցվածքների և շրջակա միջավայրի պահպանության ոլորտներում:

Այս համատեքստում ավելի ուշ այսօր ակնկալում եմ այցելություն Սևանա լիճ, որտեղ ըստ Բրյուսելում վարչապետ Փաշինյանի վերջին այցի ընթացքում ձեռք բերված համաձայնության՝ Եվրամիությունը կաջակցի ջրային ռեսուրսների կառավարմանը:  Եվ ես հնարավորություն կունենամ այցելել Սևանավանք  համալիր, որը եվրոպական  մշակույթում Հայաստանի հազարամյա պատմության մասնակցության վկայությունն է:

Այսօր քննարկել ենք  նաև Լեռնային Ղարաբաղի չլուծված հակամարտությունը: Եվրամիությունը խրախուսում է նախորդ տարվա դինամիկան, բնակչությանը խաղաղության նախապատրաստելու պարտավորությունը և կենտրոնացումը  հումանիտար հարցերի ուղղությամբ:  Այդուհանդերձ մենք կիսում ենք Մինսկի խմբի համանախագահների մտահոգությունը վերջերս շփման գծում հասցված վնասների, ինչպես նաև դեպի էսկալացիա տանող   հռետորաբանության փաստերով:  Երկու կողմերին անհրաժեշտ է ցուցաբերել զսպվածություն և միջոցներ ձեռնարկել իրական բանակցություններին և խաղաղությանը նպաստող մթնոլորտը վերականգնելու ուղությամբ:

Հակամարտությանը  չկա ռազմական հանգուցալուծում. Անհրաժեշտ է քաղաքական լուծում՝ միջազգային իրավունքի նորմերի և սկզբունքների համաձայն: Եվրամիությունը  շարունակում է լիարժեք աջակցությունը Մինսկի խմբի համանախագահների ջանքերին և նրանց ուշադրությանը արդար և տևական կարգավորմանը՝ հիմք ընդունելով Հելսինկյան եզրափակիչ ակտի հիմնական սկզբունքները: ԵՄ-ն արդեն իսկ աջակցում է խաղաղության հաստատմանն ուղղված միջոցառումներին և պատրաստ է ցուցաբերել հետագա աջակցություն՝  նախապատրաստելու ժողովուրդներին խաղաղության:

Պարոն Վարչապետ, թույլ տվեք ամփոփել և վերստին շնորհակալություն հայտնել ջերմ ընդունելության համար:  Ձեր առաջնորդությամբ իրականացվող առաջընթացն ինձ համար հուսադրող է և ես ուզում եմ հավաստիացնել, որ Եվրամիությունը կշարունակի սերտորեն համագործակցել Հայաստանի հետ` ի շահ  բոլոր ՀՀ քաղաքացիների:

Շնորհակալություն:

Կարգ
Remarks
Տեղակայումը

Երևան

Editorial sections
Armenia