Our Rights, Our Future

Saida maka ita hatene kona ba Direitus Umanus?

Mai partisipa iha Quiz,teste ita nia an, aprende  liu tan no manan premiu sira di'ak loos!

Konkore kedas!

Regulamentu ba Quiz Direitus Umanus

1. Ba sé

 Quiz Direitus Umanus ne’e hala’o hodi hanoin estudante timoroan sira-ne’ebé matrikuladu iha universidade hirak iha Dili, ho idade tinan 18 to’o 25.

2. Oinsá atu partisipa
   1. Atu partisipa, ida-idak tenke rejista-an liuhosi pájina ne’ebé rezerva ba hala’ok ne’e iha Facebook ho naran Quiz Direitus Umanus Timor-Leste ne’ebé prepara tiha ba eventu ne’e, no haruka menon privadu ida hamutuk ho dadus ida-idak nian rasik hanesan tuirmai:
      1. Naran kompletu;
      2. Idade;
      3. Númeru Kartaun Eleitorál ka Billete Identidade nian;
      4. Universidade no kursu ne’ebé maka hala’o hela;
      5. Telemóvel;
      6. Enderesu eletróniku (Email).
   2. Verifikasaun hodi hatebes katak dadus ne’ebé hatama iha momentu aplikasaun maka nu’udar responsabilidade partisipante ida-idak nian.
   3. Estudante na’in 25 (ruanulu resin lima) ne’ebé rejista uluk kedas iha direitu automátiku atu partisipa iha Kompetisaun-Quiz ne’e.
   4. Estudante universitáriu na’in 25 sira-ne’ebé temi tiha iha 2.3 sei simu kontaktu liuhosi email ka liuhosi telefone, kona-ba oinsá maka sei hala’o prosedimentu hirak Kompetisaun-Quiz nian no eventu nia ajenda.
   5. Oras ida molok eventu hahú, partisipante na’in 25 sei iha oportunidade atu koñese malu atu, nune’e, bele organiza grupu 5 (lima), grupu ida-idak ho estudante na’in 5 (lima) no grupu ida-idak mós sei hili naran hodi haketak hosi grupu sira seluk ne’ebé mós iha naran rasik. Bainhira bele, organizasaun ba eventu ne’e husu atu fahe hanesan tuir jéneru iha grupu ida-idak.

3. PROSEDIMENTU HODI HALA’O QUIZ

Kompetisaun-Quiz sei iha aprezentadóra ida ne’ebé nu’dar moderadóra mós no haktuir prosedimentu tuirmai:

1. 1. Kompetisaun-quiz ne’e sei iha pergunta lubun ida hosi lubun-tomak sanulu no iha resposta múltipla atu hili ba;
   2. Pergunta hirak sei fahe ba kategoria balu iha tema jerál hale’u Direitus Umanus no sei hetan markasaun ho pontu oioin konforme pergunta nia kompleksidade.
   3. Membru hosi painél sei halo pergunta ida-idak ba ekipa hotu-hotu (ezemplu: hosi UE nia Embaixadór) iha envelope nia laran ho pergunta ne’ebé hakerek iha Tetun, Portugés no Inglés, no bele loke envelope ne’e bainhira de’it aprezentadóra dehan bele. 
   4. Membru hosi painél sei lee ho lian aas no maka’as pergunta no, tatuir, resposta hirak ne’ebé atu hili-ba.
   5. Estudante sira iha segundu 60 (neennulu) atu ko’alia lalais ba malu no hakerek resposta iha surat ne’ebé fó; tempu ba resposta sei sura liuhosi relójiu-kronómetru.
   6. Estudante sira la bele uza komputadór, smartphone ka meius eletrónikus seluk, nomós la bele uza internet bainhira hala’o kompetisaun-quiz ne’e.
   7. Estudante sira tenke falun-hikar sura-tahan no entrega ba asistente ida hosi ekipa organizasaun nian.
   8. Membru hosi painél sei lee resposta ne’ebé loos no fó esplikasaun badak kona-ba resposta ne’e.
   9. Hafoin tada tiha lubun dahuluk ho pergunta 10 (sanulu), sei halo pergunta balu seluk tán nu’udar bonus hodi hametin ekipa ne’ebé manán. 
   10. Bainhira remata lubun daruak ba pergunta hirak, organizadór sira sei analiza resposta hotu-hotu. Ekipa hirak hotu sei simu klasifikasaun no, tuirmai, sei fó sai vensedór sira.
   11. Ikusliu, sei hala’o serimónia ida hodi aprezenta prémiu no sertifikadu nomós, tuirmai, hasai fotografia no organizsaun sei serve koktail.

4. PRÉMIU

Ekipa sira sei simu prémiu: komputadór laptop ba sira-ne’ebé manan-na’in iha oin dahuluk, iha prémiu seluk hanesan pulsa USD50 no USD10 ho asesu internet ho bonus, livru kona-ba direitus umanus nomós brinde sira oioin.

5. KONDISAUN SELUK
   1. Uniaun Europeia nia Delegasaun iha Timor-Leste iha direitu rezervadu atu hafila regulamentu hirak ne’e, bainhira de’it presiza hafila, no regulamentu foun sei habiit hafoin publika tiha;
   2. Bainhira hola parte iha kompetisaun ida-ne’e, partsipante sira simu no konkorda ho regulamentu hirak ne’ebé temi tiha nomós desizaun ne’ebé tun hosi instituisaun organizadora;
   3. Benefísiu hosi prémiu hanesan simu ho di’ak kondisaun hotu-hotu ne’ebé lori ekipa ba manán ka lakon;
   4. Dadus ne’ebé husu iha pontu 2.1 sei simu ho konfidensiál no uza de’it ba hala’o kompetisaun-quiz ida-ne’e;
   5. Naksalak ruma ne’ebé hamosu karik tanba informasaun la tomak ka laloos sei tau hanesan partsipante nia responsabilidade rasik;
   6. Bainhira hamosu karik hala’ok ruma ilegál ka lala’ok bosok iha kompetisaun nia laran, ka fatór ruma hosi li’ur ne’ebé entidade organizadora ba eventu ne’e la bele kontrola, entidade ne’e iha direitu rezervadu atu halo buat ruma oinseluk fali, habadak, atraza, hanaruk ka hakotu kompetisaun. Ne’e akontese karik, partisipante sira la iha direitu ba kompensasaun ka esplikasaun;
   7. Lala’ok bosok ka la haktuir regulamentu kompetisaun nian, bele rezulta eskluzaun, hasai tiha, partisipante ne’e hosi kompetisaun. Entidade organizadora iha direitu rezervadu atu uza dalan legál kontra sira-ne’ebé halo sala bainhira hatebes katak sira sala duni;
   8. Bainhira problema tékniku ruma hamosu, entidade organizadora iha direitu rezervadu atu hafila, habadak, atraza ka hakotu eventu ne’e. DEUTL iha direitu rezervadu atu elimina informasaun ne’ebé hatama tiha maibé la haktuir kompetisaun nia regulamentu. Tanba hala’ok ba kompetisaun Direitu Umanu nian la iha oinseluk atu hanaruk tempu ne’ebé hatuur tiha ba eventu ne’e;
   9. Ba situasaun hirak-ne’ebé la taka hosi Regulamentu, DEUTL sei analiza no define.

Dili,  19 Novembru 2020.