Համառոտ նկարագիր

Էներգետիկ համակարգը կայուն տնտեսական զարգացման խթանման կարևորագույն գործոնն է: Ողջամիտ գներով հուսալի և անվտանգ էներգիայի ապահովումը ներդրումների ներգրավման նախադրյալներից մեկն է: Այն նաև խրախուսում է մարդկանց հիմնել իրենց սեփական բիզնեսը, որն արդյունքում հանգեցնում է աշխատատեղերի ստեղծմանը, ինչպես նաև՝ անուղղակիորեն աղքատության մակարդակի նվազեցմանը: Բացի այդ, կայուն և մատչելի էլեկտրաէներգիայի մատակարարումը բարելավում է բնակչության կենսամակարդակը՝ ավելի հասանելի դարձնելով մուտքը դեպի հիմնական ծառայությունները՝ առողջապահություն, կրթություն և այլն: Ներկայումս, Հայաստանում և Վրաստանում էլեկտրաէներգիայի լարման տարբեր մակարդակները պետք է սինխրոնիզացվեն, որպեսզի տեխնիկապես հնարավոր լինի իրականացնել տարածաշրջանային միջպետական էլեկտրաէներգիայի տեղափոխումը: Հուսալի էլեկտրաէներգիայի տեղափոխումը հնարավոր չէ առանց երկու երկրների միջև լարման մակարդակների սինխրոնիզացման: Ցանցի սինխրոնիզացմանը կարելի է հասնել Հայաստանում Բարձր Լարման Հաստատուն Հոսանքի (ԲԼՀՀ) փոխակերպիչ կայանի կառուցման միջոցով: Ծրագիրը կֆինանսավորի այս առանձնահատուկ ենթակայանի կառուցումը, ինչպես նաև՝ համապատասխան էլեկտրահաղորդման գծերի և այլ ենթակայանների վերանորոգումը և կառուցումը՝ հարավային Կովկասում հուսալի տարածաշրջանային էլեկտրաէներգիայի տեղափոխումը հնարավոր դարձնելու համար:

Վերոնշյալ տեխնիկական ներդրումների հետ միասին՝ ծրագրի գործընկեր «Բարձրավոլտ Էլեկտրացանցեր» (ԲԷՑ) ՓԲԸ-ն՝ ծրագրի բարեհաջող իրականացումն ապահովելու նպատակով կստանա տեխնիկական աջակցություն:

Եվրոպական միության Հարևանության ներդրումային գործիքի միջոցով տրամադրվող աջակցությունը ոչ միայն կապահովի ամբողջ ֆինանսավորումը, այլ նաև դրական տնտեսական ազդեցություն կունենա ծրագրի վրա: Հատկացված միջոցները կերաշխավորեն, որ էներգետիկ ենթակառուցվածքներում խոշոր ներդրումների շնորհիվ՝ հայ սպառողների համար, պոտենցիալ պահանջվող վերջնական օգտագործողների սակագնի բարձրացումները սահմանափակ կլինեն: Հետևաբար, Եվրոպական միության աջակցությունը Հարևանության ներդրումային գործիքի միջոցով  նպաստում է, որպեսզի էներգետիկ համակարգը դառնա ավելի մատչելի, հատկապես հասարակության ավելի աղքատ խավերի համար:

Ամփոփ գործողություններ

Եվրոպական միության աջակցությունը Հարևանության ներդրումային գործիքի միջոցով կապահովի ֆինանսավորման հետևյալ միջոցները և որպես արդյունք՝ դրական տնտեսական ազդեցություն կունենա ծրագրի վրա: Արդյունքում, հանգեցնելով հայ սպառողների համար, պոտենցիալ պահանջվող վերջնական օգտագործողների սակագնի բարձրացումների սահմանափակմանը՝ ներդրումներն այդպիսով կնպաստեն էներգիայի մատչելիությանը, հատկապես հասարակության ավելի աղքատ խավերի համար:

• Բարձր Լարման Հաստատուն Հոսանքի (ԲԼՀՀ) փոխակերպիչ կայանի կառուցում (նախատեսված դրվածքային հզորությունը 350 ՄՎտ):
• էլեկտրահաղորդման գծերի և ենթակայանների վերանորոգում և կառուցում (մոտ 43 կմ երկարությամբ էլեկտրահաղորդման գծեր և 350 ՄՎտ դրվածքային հզորությամբ ենթակայան):
• Տեխնիկական աջակցություն Էներգետիկ ոլորտի զարգացումների համար, որոնք  իրավական տեսանկյունից անհրաժեշտ են էլեկտրաէներգիայի միջպետական տեղափոխումն ապահովելու համար, ինչպիսիք են՝ թափանցիկ և էլեկտրաէներգիայի շուկայական հստակ օրենքները և սակագների մեթոդաբանությունները:

Տևողությունը՝        29/12/2015 – 29/12/2020 (60 ամիս)

Ծրագրի ընդհանուր բյուջեն՝  188 200 000.00 եվրո

Եվրոպական միության ներդրումը՝ 10 000 000.00 եվրո

Վայրը՝  Այրում, Ալավերդի, Երևան

Իրականացնող գործընկեր՝ «Բարձրավոլտ Էլեկտրացանցեր» ՓԲԸ