THIS CONTENT HAS BEEN ARCHIVED
PRINT

"Azərbaycanda Avropanı Tap" adlı foto müsabiqə

17.04.2017

Avropa İttifaqının (Aİ) Azərbaycan Respublikasındakı Nümayəndəliyi "Azərbaycanda Avropanı Tap" adlı foto müsabiqəsini açıq elan edir. Müsabiqə Azərbaycanda mövcud olan Avropa nişanələrinə həsr edilib. İştirakçılar Azərbaycanda çəkilmiş və Aİ, yaxud Avropa ilə aydın əlaqəsi olan (binalar, yerlər, həyat tərzi və s.) foto şəkilləri və işləri barədə qısa məlumat göndərməyə dəvətlidirlər.

 

Tələblər:

  • Foto şəkillər Aİ, yaxud Avropa ilə bağlı olmalıdırlar;
  • Foto şəkillər yüksək rezolusiyalı olmalıdır (şaquli və üfuqi vəziyyətdə 300 dpi; maksimum həcmi 5MB-dan çox olmamalıdır);
  • Foto şəkil məhz iştirakçı tərəfindən və bir şəxs tərəfindən yalınız 1 şəkil təqdim olunmalıdır;

 

  • Iştirakçılar 18 yaş və yuxarı olmalıdırlar;
  • Iştirakçılar adları, yaşları, peşələri, əlaqə məlumatı, foto şəklin çəkildiyi yer, işin adı, foto şəkil barədə qısa məlumat və onun Aİ, yaxud Avropa ilə bağlılığı barədə məlumat təqdim etməlidirlər;

 

 

Seçim prosesi:

Nümayəndəlik tərəfindən seçilən münsiflər aşağıdakı kriteriyalar əsasında üç qalib seçəcəklər:

  • Foto şəklin orijinallığı və yaradıcılılığı; 
  • Foto şəklin Aİ, yaxud Avropa ilə bağlılığı barədə məlumat.

 

Mükafatlar:

İyun ayında keçiriləcək mükafatlandırılma mərasimində birinci yerin qalibi yüksək keyfiyyətli güzgülü Canon foto aparatı. ikinci və üçüncü yerin qalibləri hərəsi rəqəmsal foto apparat əldə edəcəklər.

 

Nümayəndəlik təqdim olunan foto şəkilləri təkrar istifadə etmək və çıxartmaq hüququnu özündə saxlayır.

Editorial sections
Azerbaijan