ევროპული საბჭოს პრეზიდენტმა შარლ მიშელმა ევროკავშირის უმაღლეს წარმომადგენელ ჯოზეფ ბორელთან თანამშრომლობით, პრეზიდენტ მიშელის თბილისში 1 მარტს ვიზიტის დროს განახლებული პოლიტიკური დიალოგის შემდგომი მედიაცია, რომელსაც ხელს უწყობს ევროკავშირი, კრისტიან დანიელსონს დაავალა.

ბ-ნი დანიელსონი საქართველოს პოლიტიკურ პარტიებს შორის განახლებულ დიალოგს მედიაციას გაუწევს; საქართველოში არსებული პოლიტიკური დაძაბულობის დასაძლევად იგი საქართველოში ევროკავშირის ელჩთან, კარლ ჰარცელთან მჭიდროდ ითანამშრომლებს.

უახლოეს დღეებში ბ-ნი დანიელსონი საქართველოში გაემგზავრება, რათა ამ პროცესში მონაწილე ყველა დაინტერესებულ მხარესთან იმუშაოს.

ევროპული საბჭოს პრეზიდენტი შარლ მიშელი და ევროკავშირის უმაღლესი წარმომადგენელი ჯოზეფ ბორელი მოუწოდებენ საქართველოს ყველა პოლიტიკურ აქტორს, კონსტრუქციული სულისკვეთებით სრულად ჩაერთონ დიალოგში ორმხრივად მისაღები შედეგების მისაღწევად, სტაბილური, დემოკრატიული და რეფორმებზე ორიენტირებული საქართველოს ინტერესებიდან გამომდინარე, რომელიც პროევროპულ გზაზე წარმატებით წინსვლას შეძლებს.

საკითხის ისტორია

კრისტიან დანიელსონი იყო შვედეთში მუდმივი წარმომადგენელი, სანამ 2011 წელს ევროკომისიის გენერალური მდივნის მოადგილედ დაინიშნა. 2013 წელს დანიელსონი გახდა გაფართოების საკითხებში გენერალური დირექტორი, 2015 წლიდან კი სამეზობლო საკითხების და გაფართოების თაობაზე მოლაპარაკების საქმეთა გენერალური დირექტორი. ამჟამად იგი შვედეთში ევროკომისიის წარმომადგენლობას ხელმძღვანელობს.